வருகை தந்த அனைவருக்கும் என் மனமார்ந்த நன்றிகள். எங்களது பதிவுகள் தொடர்பான உங்கள் கருத்துகளையும், வாக்குகளையும் எதிர் பார்க்கிறேன். நன்றி மீண்டும்வருக.

This is default featured slide 1 title

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

This is default featured slide 4 title

Go to Blogger edit html and find these sentences.Now replace these sentences with your own descriptions.

This is default featured slide 5 title

Go to Blogger edit html and find these sentences.Now replace these sentences with your own descriptions.

Monday, March 21, 2011

ஃபிகர் மடக்குவது எப்படி?- 1

ஃபிகர் மடக்குவது எப்படி?மேட்டருக்கு வர்ரதுக்கு முன்னாடி ஒரு சின்ன ஃப்ளேஷ்பேக்...இந்த ஹீரோவெல்லாம் படத்துல நான் ஏன் தாதாவானேண் சொல்லுவாங்கள்ளே அந்த மாதிரி.......... ரவுண்டு ரவுண்டு ரவுண்டு...ஃப்ளாஷ்பேக் ஆரம்பம்...நம்ம சட்னி சாம்பார் எடிட்டர் இருக்காரே ... ஒவ்வொரு வார்த்தையிலயும் முள்ளு வக்கிறதுல கில்லாடி..தேமேன்னு அசின் படத்தப் போட்டுட்டு உக்காந்திருந்த என்னப் பாத்து"டேய்..நீ என்ன இப்பல்லாம் இந்த நடிகைகள் ஃபோட்டோ போட்டு கேலரி போடறதோட உக்காந்துக்கறே!... வந்து சேர்ந்தப்ப "நான் பெரிய ரைட்டர்.. ஆர்டிகிள் எல்லாம் எழுதுவேன்னு சொன்ன? இப்ப வெறும் கேலரி போட்டு ஓட்டுற ? இந்த நடிகைகள் படத்த யாரு வேணா எடுத்துப் போடலாம்...நீ எதுக்கு இங்க தண்டத்துக்கு?"

"அந்த படமெல்லாம் யாரு வேணா போட முடியாது...அதையெல்லாம் ஒரு கலா ரசனையோட செலக்ட் பண்ணி சரியான ஏங்கிள்ல போடணும்" என்று சொல்ல நினைத்தேன்.. ஆனா ஏற்கனவே பக்கத்திலிருந்த சப் எடிட்டர் ஷஹி "அந்த கேலரி போடும் ஜந்து நீ தானா?" என்பது போல் பார்க்க.. தலையைக் குனிந்து கொண்டேன்...

இரண்டு நாள் கழிச்சு நான் எடிட்டர் ரூமுக்கு அண்ணாமலையில் ரஜினி எம்.எல்.ஏ வீட்டுக்குள்ள என்ட்ரி ஆவதைப் போல என்ட்ரி கொடுத்தேன்..

சீரயஸா மன்மோகன் சிங் பத்தி தலையங்கம் எழுதிட்டிருந்த எடிட்டர் என்னப் பாத்தாரு..
"சார்..ஆர்டிக்கிள் எழுத சொன்னீங்களே..ஒரு தொடரே எழுதலாம்னு முடிவு பண்ணிட்டேன்!"
எடிட்டர் என்னை ஆச்சர்யமா பாத்தாரு... "என்ன டைட்டில்?"
சப் எடிட்டர் ஷஹி அன்னிக்கு லீவு என்பதை உறுதி செய்து கொண்டு நான் கொஞ்சம் தயங்கி தயங்கி பேரை சொன்னேன்..
டைட்டில் கேட்டதும் எடிட்டர் என்னை கேவலமாய் பார்த்தார்..
"இல்ல எடிட்டர் சார்.. இந்தக் காலத்துலயும் நிறைய பசங்க அவங்க ஃபீலிங்க்ஸை மனசுக்குள்ள வச்சிக்கிட்டே தவிக்கிறாங்க.. ஐஞ்சு பேரு பொண்ணுங்களோட கடல போடறான்னா அதப்பாத்து பத்து பேரு "அவனுக்கு மச்சம்டா"ந்னு பொருமறான்.. அதுவே அவனுக்கு அந்த வாய்ப்பு வந்தா என்ன பேசுறதுன்னே தெரியாம " டு யு லைக் ரஜினிகாந்த்?" னு சொதப்புறான்... அதனால பொண்ணுங்க மனச புரிஞ்சுக்கிட்டு அவங்களை எப்படி கவர் பண்றது? எப்படி அவங்க மனசுல இடம் பிடிக்கறதுன்னு ஒரு தொடர் இந்தக் காலத்து இளைஞர்களுக்கு ரொம்ப அவசியம்!"

நான் பட பட வெனப் பொரிய ...
"ஏதோ செஞ்சு தொலை!" என்று எடிட்டர் ஆசீர்வதிக்க..
ரவுண்டு ரவுண்டு ரவுண்டு.. ஃப்ளேஷ்பேக் முடிந்தது...

இதோ "ஃபிகர் மடக்குவது எப்படி?" தொடர் ஆரம்பம்...

ஹலோ ஆரம்பத்துலேயே சொல்லிட்டேன்...
பிசா ஹட்டுல கடல போட்டு டிஸ்கோதேவுல டேன்சப் போட்டு மஹாபலிபுரம் டேட்டிங் போற பார்டில்லாம் அப்படியே அப்பிட் ஆய்டுங்க.... இது பொண்ணுங்கன்னாலே ஷையா ஃபீல் பண்ற நல்ல பசங்களுக்கு.... ஓகே...

ஸ்டார்ட் ம்யூசிக்... பூ மிதிக்க அண்ணன் ரெடி.. இங்க பூசு... ஆ இங்க பூசு.....

( கண்ணுங்களா..ஏற்கனவே என்ன இங்க ஒப்புக்கு சப்பாணியாத்தான் வச்சிருக்காங்க நீங்கல்லாம் ஓட்டப் போட்டாத்தான் தொடர்ந்து ஃபிகரப் பத்தி எழுத வுடுவாங்க...)

ஹன்ஸிகாவுடன் 'ஆட்டத்தை'த் தொடங்கினார் உதயநிதி!

ஒரு கல் ஒரு கண்ணாடி (அதாவது ஓகே ஓகே) படத்தின் படப்பிடிப்பு தொடங்கிவிட்டது. 


பாஸ் என்கிற பாஸ்கரன் படம் மூலம் 'ஸ்டார் இயக்குநர்' அந்தஸ்தை எட்டிப் பிடித்துவிட்ட ராஜேஷ் இயக்கத்தில் உருவாகும் இந்தப் படத்தில் நாயனாக அறிமுகாகிறார் உதயநிதி ஸ்டாலின் என்பதும் அவருக்கு இணையான வேடத்தில் சந்தானம் நடிப்பதும் பழைய செய்தி.

இதுவரை இந்தப் படத்துக்காக தன்னை பிரமாதமாகத் தயார்ப்படுத்தி வந்த உதயநிதி, கடந்த வாரம் படப்பிடிப்பில் இறங்கிவிட்டார் என்பதும், எடுத்த எடுப்பிலேயே ஹீரோயின் ஹன்சிகா மோத்வானியுடன் காதல் காட்சிகளில் கலக்கிவிட்டார் என்பதும் புதிய செய்தி.

இந்தப் படத்தின் முதல் கட்டப் படப்பிடிப்பு சில தினங்களுக்கு முன் சென்னையில் தொடங்கியது. மாதவப் பெருமாள் கோயிலில் நடந்த முதல் காட்சியில் நடித்தது உதயநிதியும் சந்தானமும். அடுத்தது, ஹன்ஸிகாவடனான காதல் காட்சிகள்.

எடுத்த எடுப்பிலேயே இயக்குநர் ராஜேஷ் மற்றும் ஹீரோயின் ஹன்ஸிகாவை அசத்திவிட்டாராம் உதயநிதி, தனது இயல்பான நடிப்பால்.

"அவர் நடித்ததைப் பார்த்தால் யாரும் முதல்பட ஹீரோ என்று நிச்சயம் ஒப்புக் கொள்ள மாட்டார்கள். காமெடியில் சந்தானத்தையே மிரள வைக்கிறார் மனிதர்", என்று புகழ்ந்து தள்ளுகிறார்கள் உதயநிதியை.

ஹீரோவாச்சே!!

Sunday, March 20, 2011

கிரைண்டர் அல்லது மிக்சி - தி.மு.க., : கிரைண்டர் + மிக்சி - அ.தி.மு.க., : சபாஷ் சரியான போட்டி

* வீடுதோறும் கிரைண்டரும், மிக்சியும் சேர்த்து தரப்படும்.

*
ஏழைப் பெண்களின் திருமணத்திற்கு ஒரு சவரன் தாலி இலவசம்.

* விதவைப் பெண்கள் அனைவருக்கும், இலவச தையல் மிஷின் வழங்கப்படும்
.

* அனைத்து குடும்பங்களுக்கும் இலவச மொபைல் போன் வழங்கப்படும்
.



* ஆறாம் வகுப்பு முதல் அனைத்து மாணவர்களுக்கும் இலவச சைக்கிள்.

* கூலித் தொழிலாளர்கள் அனைவருக்கும் இலவச சைக்கிள்.


* அனைத்து சமுதாயத்தைச் சேர்ந்த மாணவ, மாணவியருக்கும் கல்வி உதவித்தொகை.


*
அனைத்து வீடுகளுக்கும் இலவசமாக அரசின் சார்பில் கேபிள், "டிவி' இணைப்பு வழங்கப்படும்.

* குடும்ப அட்டை வைத்துள்ள அனைவருக்கும், 30 கிலோ அரிசி இலவசமாக வழங்கப்படும்.


*
குடும்ப அடடைதாரர்கள் அனைவருக்கும் மாதம் ஒரு லிட்டர் இலவச மண்ணெண்ணெய்.

*
அனைத்து சமுதாய மாணவ, மாணவியருக்கும் இலவச கல்வி உதவித்தொகை.

* மாணவ, மாணவியருக்கு தகுதி அடிப்படையில் இலவச, "லேப்-டாப்' வழங்கப்படும்
.

*
மாணவர்களின் கல்விக் கடன் தள்ளுபடி செய்யப்படும்.

* அரசு மருத்துவ காப்பீட்டுத் தொகை, 10 லட்சம் ரூபாயாக உயர்த்தப்படும்.
இன்னும் ஓரிரு நாட்களில் அ.தி.மு.க., வெளியிட உள்ள தேர்தல் அறிக்கையில், அதிகாரப்பூர்வமாக இவையெல்லாம் இடம்பெற உள்ளன.

புலிக்கு இறைச்சி ஊட்டிய 'ஜங்கிள் குயின்' அசின்!

அதென்னமோ தெரியவில்லை... முன்னணி நடிகைகள் எல்லாம் சமீப காலமாக காடு, புலிகள் என எக்கச்சக்க அட்வென்ச்சர் தேடித் திரிகிறார்கள்.

போனவாரம் த்ரிஷா நடுக்காட்டில் புலியுடன் தங்கியிருக்க ஆசைப்பட்டு ராஜஸ்தான் போயிருந்தார்.

இந்த வாரம் அசின் வாரம்... இவரும் புலியை விட்டுவைக்கவில்லை. ஒரு மிருகக்காட்சி சாலைக்குப் போய் புலி வாய்க்குள் கைவிட்டு இறைச்சியை ஊட்டி அசரடித்தாராம்.

இந்தியில் தயாராகும் ரெடி படத்தில் சல்மான்கான் ஜோடியாக நடிக்கும் அசின், இதன் படப்பிடிப்பு  க்காக சமீபத்தில் தாய்லாந்து போயிருந்தார். அப்போது அங்குள்ள டைகர் டெம்பிள் பகுதியை சுற்றி பார்க்க சென்றுள்ளார் படப்பிடிப்புக் குழுவுடன். அங்கு அடைத்து வைக்கப்பட்டுள்ள புலிகளைப் பார்த்ததும் ஆர்வத்துடன் அருகில் சென்றாராம் அசின்.

தைரியமாக அருகில் போய் ஒரு புலிக் குட்டிக்கு உணவு ஊட்டினாராம். இதை பார்த்த படப்பிடிப்பு குழுவினர் பதறினார்கள். புலி வாய்க்குள் கை வைத்து உணவு ஊட்டியது பயமில்லையா? என்று அவரிடம் கேட்டபோது, "மனதில் தைரியம் இருந்தால் எந்த பயமும் நம்மை பயமுறுத்தாது. தைரியம் இல்லாவிட்டால் எதையும் செய்ய முடியாதுட என்றார்.

இதையடுத்து அவருக்கு ஜங்கிள் கி ராணி (காட்டு ராணி) என்று செல்லமாக பட்டம் சூட்டினார்களாம் படக்குழுவினர்!

கல்லூரி மாணவர்களுக்கு இலவச லேப்டாப்; பெண்களுக்கு இலவச கிரைண்டர்-மிக்ஸி: திமுக தேர்தல் அறிக்கை


சென்னை: கல்லூரி மாணவர்களுக்கு இலவச லேப்டாப், பெண்கள் அனைவருக்கும் இலவச கிரைண்டர் அல்லது மிக்ஸி வழங்கப்படும் என்று திமுகவின் தேர்தல் அறிக்கையில் அறிவிக்கப்பட்டுள்ளது.

வீடு தேடி வரும் டாக்டர்:

மூத்த குடிமக்களுக்கு மாதம் ஒருமுறை மருத்துவர்களே வீட்டுக்குச் சென்று மருத்துவப் பரிசோதனை சிகிச்சை செய்யும் முறை அறிமுகப்படுத்தப்படும், 60 வயதுக்கு மேற்பட்ட அனைத்து மூத்த குடிமக்களுக்கும், உள்ளூர் பேருந்துகளில் கட்டணமில்லாத இலவச பயணம்,

தனியார் நிறுவனஙகளில் தலித்களுக்கு இட ஒதுக்கீடு:

குடும்பத்தில் முதல் பட்டதாரிகளுக்கு அரசுப் பணிகளில் முன்னுரிமை, தனியார் நிறுவனங்களில் தலித் சமூகத்தினருக்கு இட ஒதுக்கீடு வழங்க சட்டம் கொண்டு வர நடவடிக்கை, இஸ்லாமியர்களின் இட ஒதுக்கீட்டு அளவை மேலும் உயர்த்த பரிசீலனை, தலித் கிறிஸ்தவர்களும் இட ஒதுக்கீடு பெற நடவடிக்கை,

30 கிலோ அரிசியும் இலவசம்:

பரம ஏழைகளுக்கு ரேசன் கடைகளில் மாதந்தோறும் கிலோ 1 ரூபாய் வீதம் வழங்கப்படும் 30 கிலோ அரிசி இனி இலவசமாக வழங்கப்படும். மூத்த குடிமக்களுக்கு மாதம் ஒருமுறை மருத்துவர்களே வீட்டுக்குச் சென்று மருத்துவப் பரிசோதனை சிகிச்சை செய்யும் முறை அறிமுகப்படுத்தப்படும்,

இலவச டயாலிசிஸ் சிகிச்சை:

சிறுநீரக பாதிப்புக்குள்ளான ஏழை மக்களுக்கு இலவச டயாலிசிஸ் சிகிச்சை, அரசுப் பணிகளில் உள்ள மகளிருக்கு மகப்பேறு விடுப்பு 3 மாதங்களில் இருந்து 4 மாதங்களாக அதிகரிக்கப்படும்,

மகளிர் சுய உதவிக் குழுக்களுக்கு ரூ. 2 லட்சம் மானியம்:

மகளிர் சுய உதவிக் குழுக்களுக்கு வழங்கப்படும் கடன் ரூ. 4 லட்சமாக உயர்த்தப்படும். அதில் ரூ. 2 லட்சம் மானியமாக வழங்கப்படும், 
மாணவர்கள் பெற்ற கல்விக்கடனுக்கான வட்டியை அரசே ஏற்றுக் கொள்ளும்

மதுரை-கோவையில் மெட்ரோ ரயில்:

சென்னை மெட்ரோ ரயில் திட்டம் போல, கோவை, மதுரையில் மெட்ரோ ரயில் தொடங்க நடவடிக்கை, சென்னையிலிருந்து மதுரை, கோவைக்கு புல்லட் ரயில் இயக்க நடவடிக்கை என்பது உள்பட ஏராளமான திட்டங்கள் திமுக தேர்தல் அறிக்கையில் அறிவிக்கப்பட்டுள்ளன.

பொது மக்கள் தவிர எதிர்க் கட்சிகளும் மிக ஆர்வமாக எதிர்பார்த்த திமுகவின் தேர்தல் அறிக்கையை இன்று மாலை முதல்வர் கருணாநிதி வெளியிட்டார்.

அதன் முழு விவரம்:

- ஏழை எளிய மாணவர்களை பாதிக்கும் நுழைவுத் தேர்வுகள் எப்போதும் வேண்டாம் என்பதை மத்திய அரசிடம் வலியுறுத்துவோம்.

- நதி நீர் இணைப்பை தொடர்ந்து வலியுறுத்துவோம். முதல் கட்டமாக தென்னக நதிகளை இணைக்க மத்திய அரசை தொடர்நது வலியுறுத்துவோம்.

- செம்மொழியாம் தமிழை இந்திய அரசின் ஆட்சி மொழியாக அறிவிக்க வலியுறுத்துவோம்

-உயர்நீதிமன்றங்கள் உள்பட அனைத்து நீதிமன்றங்களில் நீதிமன்ற மொழியாக தமிழை அறிவிக்க நடவடிக்கை எடுப்போம்.

- திருக்குறளை தேசிய நூலாக அறிவிக்க பாடுபடுவோம்

- மத்திய தேர்வாணைய தேர்வுகள் அனைத்தையும் தமிழிலும் எழுத நடவடிக்கை எடுப்போம்.

- ஈழத் தமிழர்களுக்கு சிங்களர்களுக்கு சமமான நிலையை ஏற்படுத்தி, அரசியல் தீர்வை ஏற்படுத்த மத்திய அரசு நடவடிக்கை எடுக்க திமுக தொடர்ந்து வலியுறுத்தும். ஈழத் தமிழர்கள் அமைதியான சூழலில் வாழ தேவையான நடவடிக்கைகளை இலங்கை அரசு எடுக்க இந்தியா தீவிர முயற்சிகளை எடுக்க வலியுறுத்துவோம்.

- தொடக்க வேளாண் கூட்டுறவு சங்கங்கள் தோறும் வேளாண் உற்பத்திச் சாதனங்கள் நியாயமான வாடகையில் விவசாயிகளுக்குக் கிடைக்க ஏற்பாடு.

- இலவச மின்சாரத் திட்டத்தை தென்னை வளர்ப்பு உள்ளிட்ட தோட்டக்கலை விவசாயிகளுக்கும் விரிவுபடுத்துவோம்

- நகர்ப்புறங்களில் நுகர்வோர் சந்தை மூலம் காய்கறிகள் குறைந்த விலையில் விற்பனை செய்யப்படும்.

- படித்த இளைஞர்களுக்காக மாவட்டந்தோறும் சிறப்புத் திறன் பயிற்சி நிலையங்கள் தொடங்கப்படும்.

- மகளிர் சுய உதவிக் குழுக்களின் பொருளாதார மேம்பாட்டுக்கு வழங்கப்படும் கடன் நிதி, ரூ. 4 லட்சமாக உயர்த்தப்படும். அதில் 2 லட்சத்தை மானியமாக வழங்குவோம்.

- வறுமைக்கோட்டுக்குக் கீழ் உள்ள குடும்பங்களுக்கு உடை, உணவு, சுகாதாரம் போன்றவற்றை உறுதி செய்வதோடு, வருமானத்திற்கும் வழி காணக் கூடிய பொருளாதாரத் திட்டங்கள் மற்றும் அனைத்து சேவைகளையும் பல்வேறு திட்டங்கள் மூலம் ஒருங்கிணைத்து அவர்களின் பொருளாதார வளர்ச்சி உறுதியாக்கப்பட்டு, ஒரு கட்டத்தில் அவர்களை வறுமையிலிருந்து மீட்க நடவடிக்கை எடுக்கப்படும்.

- இயற்கை விவசாயத்திற்கு முன்னுரிமை தரப்படும்

- டெல்டா மாவட்டங்களில் வைக்கோலைப் பயன்படுத்தி தொழில்நுட்பத்தைப் பயன்படுத்தி காளாண் வளர்ப்பு செயல் திட்டம் நடைமுறைப்படுத்துவோம்.

- சொட்டு நீர்ப்பாசனத்துக்காக, விவசாயிகளுக்கு தற்போது அளிக்கப்படும் 65 சதவீத மானியம் சிறு குறு விவசாயிகளுக்கு 90 சதவீதமாக உயர்த்தப்படும்.

- சூரிய மின்சாரத்தை பயன்படுத்தி மின் உற்பத்தியை அதிகரிப்போம்.

- மகாத்மா காந்தி ஊரக வேலைவாய்ப்புத் திட்டத்தை மேலும் செம்மைப்படுத்தி வேளாண் உற்பத்திப் பணிகளுக்கும் விரிவுபடுத்துவோம்.

- பயிர்க் காப்பீட்டுத் திட்டத்தின் கீழ் விவசாயிகளுக்கு இழப்பீடு வழங்குவது போல, மீன்பிடியின்போது பாதிப்புக்குள்ளாகும் ஏழை மீனவர்களுக்கு புதிய காப்பீட்டுத் திட்டம் செயல்படுத்தி மீனவர்நலனைப் பாதுகாப்போம்.

- விசைப் படகுகளுக்கு மாதந்தோறம் வழங்கப்படும் 1500 லிட்டர் டீசல் மானியம் மற்றும் நாட்டுப்படகு மீனவர்களுக்கு 300 லிட்டர் மானியம் என்பதை முறையே, 2000 லிட்டர் டீசல், 500 லிட்டர் டீசலாக உயர்த்த நடவடிக்கை எடுப்போம்.

- கச்சத்தீவை திரும்பப் பெற மத்திய அரசுடன் பேசி நடவடிக்கை எடுப்போம்.

- சென்னை கீழ்ப்பாக்கம் மன நல மருத்துவமனை போல திருச்சியிலும், மதுரையிலும் மன நல மருத்துவமனைகள் அமைப்போம்.

- தாம்பரம் போல மதுரையில் காச நோய்க்கான சிறப்பு சிகிச்சை மையம் அமைக்கப்படும்.

- சிறுநீரக பாதிப்புக்குள்ளான ஏழை மக்களுக்கு இலவச டயாலிசிஸ் சிகிச்சை அளிக்க ஏற்பாடு.

- பச்சிளம் குழந்தகளைத் தாக்கும் மூளைக் காய்ச்சல், மஞ்சள் காமாலை போன்றவற்றுக்கு மாநில அரசின் சார்பில் இலவசமாக தடுப்பூசி போடப்படும்.

- மாவட்ட மருத்துவமனைகளில் உயிர் காக்கும் உயர் சிகிச்சை மையங்களை அமைப்போம்.

- மாவட்டந்தோறும் அரசு மருத்துவக் கல்லூரிகளை அமைப்போம்.

- பச்சிளம் குழந்தகளைத் தாக்கும் மூளைக் காய்ச்சல், மஞ்சள் காமாலை போன்றவற்றுக்கு மாநில அரசின் சார்பில் இலவசமாக தடுப்பூசி போடப்படும்.

- மாவட்ட மருத்துவமனைகளில் உயிர் காக்கும் உயர் சிகிச்சை மையங்களை அமைப்போம்.

- மாவட்டந்தோறும் அரசு மருத்துவக் கல்லூரிகளை அமைப்போம்.

- வட்டார மருத்துவமனைகளில் எய்ட்ஸ் பரிசோதனை மையங்கள் அமைக்கப்படும்.

- வரும் முன் காப்போம் திட்டம் ஆரம்ப சுகாதார மையங்களுக்கு விரிவுபடுத்துவோம்.

- கலைஞர் காப்பீட்டுத் திட்டத்தை சிறப்பாக தொடர்ந்து செயல்படுத்துவதோடு, சாலை விபத்துகளுக்கும் இந்தத் திட்டத்தில் உடனடி மருத்துவ சிகிச்சை கிடைக்க ஏற்பாடு செய்வோம்.

- மூத்த குடிமக்களுக்கு மாதம் ஒருமுறை மருத்துவர்களே வீட்டுக்குச் சென்று மருத்துவப் பரிசோதனை சிகிச்சை செய்யும் முறையை சிறப்பாக செயல்படுத்துவோம்.

- அரசுப் பள்ளிகளில் பயிலும் ஏழை மாணவர்களுக்கு இனி ஆண்டுதோறும் இலவசமாக 3 சீருடை வழங்கப்படும்.

- பல்கலைக்கழகங்கள் இல்லாத மாவட்டங்களே கிடையாது என்ற நோக்கத்தோடு அனைத்து மாவட்டங்களிலும் புதிய பல்கலைக்கழகங்கள் அமைப்போம்.

- அரசுக் கல்லூரிகளிலும், தொழில்கல்வி பயிலும் பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட, பழங்குடியின மாணவர்களுக்கு, முதலாவது ஆண்டிலேயே இலவசமாக லேப்டாப் வழங்கப்படும்.

- மாணவர்கள் பெற்ற கல்விக்கடனுக்கான வட்டியை அரசே ஏற்றுக் கொள்ளும்

- மாவட்டந்தோறும் செவிலியர் பயிற்சிக் கல்லூரி அமைக்கப்படும்.

- பின் தங்கிய மாவட்டங்களில் சிறு குறு தொழிலகள் தொடங்க ஊக்கத்திட்டம் தொடங்கப்படும்.

- மாநகரங்களில் போக்குவரத்து நெரிசலைக் குறைக்க சென்னை மெட்ரோ ரயில் திட்டம் போல, கோவை, மதுரையில் மெட்ரோ ரயில் தொடங்க நடவடிக்கை எடுக்கப்படும்.

- மதுரை, கோவைக்கு அதி விரைவு தொடர் வண்டி - புல்லட் ரயில் இயக்க நடவடிக்கை எடுப்போம்.

- மூத்த குடிமக்களுக்கு இலவசப் பேருந்து. 60 வயதுக்கு மேற்பட்ட அனைத்து மூத்த குடிமக்களுக்கும், உள்ளூர் பேருந்துகளில் கட்டணமில்லாத இலவச பயணம்.

- முதியோர், விதவைகள், ஆதரவற்ற பெண்கள், மாற்றுத் திறனாளிகள் ஆகியோருக்கு மாதந்தோறும் அளிக்கப்படும் ஓய்வதியம் ரூ. 500 என்பதிலிருந்து ரூ. 750 ஆக அதிகரிக்கப்படும்.

- மினி பஸ்கள் எண்ணிக்கையை அதிகரிக்க நடவடிக்கை.

- நெசவாளர் முதியோர் ஓய்வூதியம் ரூ. 600 ஆக அதிகரிக்கப்படும்.

- 60 வயதைத் தாண்டிய நெசவாளர்களுக்கு ஓய்வூதியம்.

- கைத்தறி நெசவாளர்களுக்கு வழங்கப்படும் இலவச மின்சாரம் 200 யூனிட்டாக அதிகரிக்கப்படும்.

- சாயக்கழிவுகளால் ஏற்படும் பிரச்சினைக்கு இயற்கை முறையை கையாண்டு தீர்வு காண முயற்சிப்போம்.

- தலித் கிறிஸ்தவர்களும் இட ஒதுக்கீடு பெற மத்திய அரசை வலியுறுத்துவோம்.

- சிறுபான்மை சமூக பெண்களுக்கு சிறப்புச் சலுகைகளோடு கல்வி மேம்பாட்டுத் திட்டம்

- சிறுபான்மை சமூக கல்வி நிலையங்கள், வழிபாட்டுத் தலங்களுக்கு தேவையான பாதுகாப்பு.

- இஸ்லாமியர்களின் இட ஒதுக்கீட்டு அளவை மேலும் உயர்த்துவது குறித்து பரிசீலனை.

- தனியார் நிறுவனங்களில் ஆதி திராவிடர் சமூகத்தினருக்கு இட ஒதுக்கீடு வழங்க சட்டம் கொண்டு வர நடவடிக்கை.

- மனிதக் கழிவுகளை மனிதர்களே அகற்றும் அவலத்தை மாற்றும் வகையில் நவீன இயந்திரங்களை அறிமுகப்படுத்துவோம்.

- திருநங்கையர்களுக்கு தனியாக சுய உதவிக் குழுக்கள் அமைக்கப்படும்

- வெள்ளம் போன்ற இயற்கைச் சீற்றத்தால் பாதிக்கப்படும் வணிகர்களுக்கு மருத்துவ உதவி உள்ளிட்டவை வழங்க நடவடிக்கை.

- கலைஞர் வீடு வழங்கும் திட்டத்தில் தற்போது வழங்கப்படும், உதவி மானியம் ரூ. 75 ஆயிரம் என்பதிலிருந்து ரூ. 1 லட்சமாக உயர்த்தப்படும்.

- அரசு அலுவலகங்களில் லஞ்சத்தை ஒழிக்க நடவடிக்கை எடுத்து, குற்றவாளிகள் உடனடியாக தண்டனைக்கு உள்ளாக்கப்படுவர்.

- குடும்பத்தில் முதல் பட்டதாரிகளுக்கு அரசுப் பணிகளில் முன்னுரிமை வழங்கப்படும்.

- சென்னை அருகே புதிய துணை நகரம் அமைக்கப்படும்.

- சென்னை உள்பட பெரிய நகரங்களில் புதிய ஏரிகளை உருவாக்கி குடிநீர் ஆதாரங்களை அதிகரிப்போம்.

- சென்னை, அதைச் சுற்றியுள்ள பகுதிகளிலும், பிற மாநகராட்சிப் பகுதிகளிலும் அடிப்படை வசதிகளை மேம்படுத்தும் சிறப்புத் திட்டம் அறிமுகப்படுத்துவோம்.

- கந்து வட்டிக் கொடுமையை நீக்க வழி வகை காணப்படும்.

- திருக்கோவில் காலி நிலங்களை பாதுகாக்க, வருவாயைப் பெருக்கும் வகையில், நிலவங்கி ஒன்று நிறுவப்படும்.

- அரசு சான்றிதழ்களை ஒரே இடத்தில் பெற பொதுமக்கள் சேவை மையம் தொடங்கப்படும்.

- அரசுப் பணிகளில் உள்ள மகளிருக்கு மகப்பேறு விடுப்பு 3 மாதங்களாக உள்ளது என்பதை 4 மாதங்களாக அதிகரிப்போம்.

- பரம ஏழைகளுக்கு மாதந்தோறும் கிலோ 1 ரூபாய் வீதம் வழங்கப்படும் 30 கிலோ அரிசி இனி இலவசமாக வழங்கப்படும்.

- ஒரு ரூபாய்க்கு கிலோ அரிசி திட்டம் தொடர்ந்து வழங்கப்படும்.

- குடும்ப அட்டைதாரர்களுக்கு மாதம் ஒரு கிலோ அயோடின் கலந்த உப்பு மானிய விலையில் வழங்கப்படும்.

- இலவச எரிவாயு அடுப்புத் திட்டம் தொடர்ந்து நடைமுறைப்படுத்தப்படும்.

- இலவச டிவி திட்டம் தொடரும்.

- ஏழைப் பெண்களுக்கான திருமண நிதியுதவி ரூ. 25,000 என்பது 30,000 ஆயிரமாக உயர்த்தப்படும்.

- கர்ப்பிணிப் பெணக்ளுக்கு வழங்கப்படும் உதவித் தொகை ரூ. 6000 என்பதிலிருந்து ரூ. 10,000 ஆக உயர்த்துவோம்.

- பெண்களுக்கு இலவச கிரைண்டர் அல்லது மிக்சி வழங்கப்படும். பெண்கள் எதைக் கோருகிறார்களோ அதைப் பொறுத்து கிரைண்டர் அல்லது மிக்சி வழங்கப்படும்.

இவ்வாறு திமுக தேர்தல் அறிக்கையில் கூறப்பட்டுள்ளது.

Saturday, March 19, 2011

சச்சினைப் பற்றி மட்டும் பேசிக் கொண்டிருந்தால் எப்படி?-கபில் தேவ் எரிச்சல்

மும்பை: உலகக் கோப்பைக் கிரிக்கெட் போட்டியைப் பொறுத்தவரை சச்சின் டெண்டுல்கர் பற்றி மட்டுமே பேசிக் கொண்டிருக்கக் கூடாது. இந்தியா நன்றாக விளையாடி கோப்பையை வெல்ல வேண்டும் என்ற ஒட்டுமொத்த இந்தியர்களையும் மனதில் கொள்ள வேண்டும். அதை விட்டு விட்டு சச்சினைப் பற்றி மட்டுமே பேசிக் கொண்டிருந்தால் எப்படி என்று கோபமாகவே கேட்டுள்ளார் கபில் தேவ்.

இந்தியா இதுவரை ஒரே ஒரு உலகக் கோப்பையை (50 ஓவர் போட்டியில்) மட்டுமே வென்றுள்ளது. அதை வென்று கொடுத்த அணியின் கேப்டனாக இருந்தவர் கபில் தேவ். புயல் வேக வீரரான கபில் தேவுக்குப் பின்னர் இந்தியாவுக்கு கோப்பை என்பது கனவில் மட்டுமே வந்து செல்கிறது.

இந்த நிலையில் நடந்து கொண்டிருக்கும் உலகக் கோப்பைக் கிரிக்கெட் போட்டியில் இந்திய வீரர்கள் கருத்துக்களைச் சொல்லி வருகின்றனர். சொல்லி வைத்தாற் போல அத்தனை பேரும் சச்சினைப் பற்றி மட்டுமே பெரிதாக பிரஸ்தாபித்துக் கொண்டிருக்கின்றனர். இது சச்சினுக்கான போட்டி, இதை சச்சினுக்காக ஆடப் போகிறோம், சச்சினுக்கு நாங்கள் கொடுக்கப் போகும் பெரிய பரிசே இதுதான் என்ற ரேஞ்சில் பேசி வருகின்றனர்.


இதுகுறித்து கபில் தேவ் எரிச்சலை வெளியிட்டுள்ளார். உலகக் கோப்பையை வெல்வது சச்சினுக்காக மட்டும்தானா. இந்தியர்களுக்காக இல்லையா என்று அவர் சற்று காட்டமாகவே கேட்டுள்ளார்.

உலகக் கோப்பையை இதற்கு முன்பு வென்ற அணிகளின் கேப்டன்கள் கலந்து கொண்ட ஒரு நிகழ்ச்சி மும்பையில் நடந்தது. இதில் கபில் தேவும் கலந்து கொண்டார்.

அப்போது பலரும் சச்சினைப் பற்றியே கேள்விகள் கேட்டனர். கபில் தேவிடமும் கேட்டனர். சச்சினுக்கு இந்த உலகக் கோப்பைப் போட்டி எந்த அளவு முக்கியமாக இருக்கும் என்று கேட்டனர்.

இதைக் கேட்ட கபில் தேவ், ஏன் சச்சின் மட்டும். திரும்பத் திரும்ப சச்சினைப் பற்றி மட்டுமே நீங்கள் கேட்டுக் கொண்டிருப்பது இங்கு உள்ள அனைவரையும் அவமானப்படுத்துவது போல உள்ளது. உலகக் கோப்பையை வெல்வது என்பது, சச்சினுக்கு எவ்வளவு முக்கியமோ, அதே போல ஒட்டு மொத்த இந்தியர்களுக்கும் முக்கியமானது என்பதை யாரும் மறந்து விடக் கூடாது. கோடானு கோடி இந்தியர்களும் இந்த உலகக் கோப்பைப் போட்டியில் இடம் பெற்றுள்ளனர். அவர்களயெல்லாம் விட்டு விட்டு சச்சினைப் பற்றி மட்டுமே பேசுவது எப்படி சரியாக இருக்கும். சச்சின் மட்டும் சம்பந்தப்பட்டதல்ல இது.

சச்சின், சச்சின் என்று கூறி அவர் மீது நிறைய பாரத்தை ஏற்றி வைத்து எதிர்பார்ப்புகளை அதிகரித்துக் கொண்டுள்ளனர். கோடானு கோடி இந்தியர்களின் எதிர்பார்ப்பு அனைத்துமே ஒன்றே ஒன்றுதான் -அது இந்தியா கோப்பையை வெல்ல வேண்டும் என்பது மட்டுமே. அதையும் நாம் மனதில் கொள்ள வேண்டும் என்றார் கபில் தேவ்.

கபில் சொல்வதும் சரிதானே. சச்சின் ஒரு ஸ்டார் வீரர் என்பதில் சந்தேகம் இல்லை. அவருக்கு இதுதான் கடைசி உலகக் கோப்பைப் போட்டியாக இருக்கும் என்பதிலும் சந்தேகம் இல்லை. அவருக்காக கோப்பையை வென்று தர வேண்டும் என்று கூறுவதிலும் தவறில்லை.

அதேசமயம் சச்சின் ஏதோ கெஸ்ட் போலவும், அவரை உட்கார வைத்து விட்டு மற்றவர்கள் மட்டுமே உலகக் கோப்பை போட்டியில் விளையாடப் போவது போலவும் பேசி வருவதுதான் கபில் தேவ் போன்ற ஜாம்பவான்களை சற்று எரிச்சல்படுத்தியிருப்பதாக தெரிகிறது.

உண்மையில் சச்சின் டெண்டுல்கரும் இந்த உலகக் கோப்பைப் போட்டியில் சிறப்பாக ஆட வேண்டிய நிர்ப்பந்தத்தில் உள்ளார். இவ்வளவு சிறந்த வீரராக இருந்தும் இதுவரை சச்சினால் உலகக் கோப்பை நமக்கு வாய்க்காமலேயே போய் விட்டது. இந்த முறையாவது சச்சின் மூலமாக உலகக் கோப்பை வந்தால் அது நிச்சயம் இந்தியாவுக்கு மட்டுமல்ல சச்சினுக்கும் மிகப் பெரிய பெருமை.

காரணம், கபில் தேவ் காலத்தில் அவரை விட, அப்போது இருந்த இந்திய அணியை விட மிகச் சிறந்த வீரர்கள் இருந்தனர், மிகச் சிறந்த அணிகள் இருந்தன. ஆனால் கடுமையான முயற்சி, திட்டமிட்ட செயல்பாடு, பேச்சளவில் இல்லாமல் செயல் அளவிலும் சீறிப் பாய்ந்தது போன்றவற்றால்தான் கபில் தேவ் தலைமையிலான அணியால் சாதிக்க முடிந்தது.

கபில் தேவ் காலத்திற்குப் பிறகு இந்திய பல அருமையான வீரர்களைக் கண்டுள்ளது -சச்சின் உள்பட. ஆனால் ஒரு முறை கூட நம்மால் கோப்பையை வெல்ல முடியவில்லை. காரணம், சிறந்த வீரர்கள் இருந்தாலும் கூட ஒற்றுமையின்மை மிக முக்கியப் பிரச்சினையாக போன காரணத்தால்.

எனவே, சச்சினைப் பற்றிப் பேசிக் கொண்டிருப்பதை விட்டு விட்டு அத்தனை பேரும் சேர்ந்து சிறப்பாக ஆடி, இந்த முறையாவது கோப்பையை வெல்ல முயல வேண்டும். இந்த ஆதங்கம்தான் கபில்தேவ் பேச்சில் தெரிவதாக தெரிகிறது.

Friday, March 18, 2011

'இளைய எம்ஜிஆர் விஜய்'... எம்ஜிஆர் ரசிகர்கள் கோபம்!

கறுப்பு எம்ஜிஆர், சிவப்பு எம்ஜிஆர், ப்ரவுன் எம்ஜிஆர் என்றெல்லாம் இஷ்டத்துக்கும் பட்டப்பெயர்களை அள்ளிவிட்டுக் கொண்டிருந்த 'பகுதி நேர' அரசியல்வாதிகள், இப்போது நடிகர் விஜய்க்கு ஒரு பட்டம் தந்துள்ளனர்... அது 'இளைய எம்ஜிஆர்'.

கடந்த திங்கள்கிழமை கமலா திரையரங்கில் நடந்த ஒரு பாடல் வெளியீட்டு விழாவில், விஜய்க்கு இந்தப் பட்டத்தை சூட்டிமகிழ்ந்ததோடு, எம்ஜிஆர் மாதிரி அரசியல், சினிமா இரண்டிலும் பெரும் வெற்றி பெருவார் விஜய் என்றும் கூறினர்.

இதைத் தொடர்ந்து நகரின் பல இடங்களிலும் இளைய எம்ஜிஆர் என விஜய்யை சித்தரித்து போஸ்டர்கள் முளைத்துள்ளன.

இதில் விஜய் ரசிகர்கள் ஏக குஷியடைந்தாலும், எம்ஜிஆரின் ரசிகர்களும் 'பக்தர்களும்' மிகுந்த கடுப்பில் உள்ளனர்.

"தமிழக அரசியலிலும் சரி, சினிமாவிலும் சரி ஒரே ஒரு எம்ஜிஆர்தான். கருப்பு எம்ஜிஆர், இளைய எம்ஜிஆர் என கண்டவர்களுக்கும் பட்டங்கள் கொடுத்து எம்ஜிஆரைக் கேவலப்படுத்த வேண்டாம். மறைந்தும் மறையாத அந்த தலைவருக்கு அருகில் கூட வரமுடியாதவர்கள் இவர்கள். விஜய்யோ இதை மறுக்கக் கூட இல்லை. அமைதியாக வேடிக்கைப் பார்க்கிறார்...", என்றார் எம்ஜிஆர் மன்ற நிர்வாகிகளுள் ஒருவரான கனிமுத்து.

அதிமுக கூட்டணிக்கு விஜய் ஆதரவளிப்பார் என்று கூறப்படும் நிலையில், அவருக்கு தரப்பட்டுள்ள இந்த புதிய பெயர் எம்ஜிஆர் ரசிகர்களின் கோபத்தைச் சம்பாதித்துள்ளது குறிப்பிடத்தக்கது.

காஜல் அகர்வால் வேணாம்... சோனம்தான் வேணும்: அடம்பிடிக்கும் சிம்பு!

சல்மான் கானின் தபாங் இந்திப் படத்தின் தமிழ் ரீமேக்கில் தனக்கு ஜோடியாக சோனம் கபூர்தான் நடிக்க வேண்டும் என்று பிடிவாத உள்ளாராம்சிம்பு  .

இந்தப் படத்தில் நடிக்க முதலில் பேசப்பட்ட நடிகை காஜல் அகர்வாலை வேண்டாம் என்று கூறிவிட்டாராம்.

தபாங் தமிழ் ரீமேக்கை தரணி இயக்குகிறார். இந்தப் படத்தின் ஆரம்ப வேலைகள் பரபரப்பாக நடந்து வருகின்றன. படத்தின் நாயகியாக வட இந்திய நடிகையைத்தான் போட வேண்டும் என்று ஆரம்பத்திலேயே முடிவு செய்தவர்கள் முதலில் அணுகியதுப காஜல் அகர்வாலை.

அவரும் ஓகே சொல்லி தேதிகளும் கொடுத்த நிலையில், திடீரென காஜல் வேண்டாம் என்று கூறிவிட்டாராம் சிம்பு. இந்தி நடிகர்  அனில் கபூரின் மகளும் இப்போது முன்னணியில் உள்ளவருமான சோனம் கபூரை ஒப்பந்தம் செய்யுமாறு அவர் கூறிவிட, இப்போது பெரும் சம்பளத்தில் சோனம் கபூரை ஒப்பந்தம் செய்துள்ளனர்.

கட்சி மாறுது: 'முதல்வர் விழாவா, கூப்பிடாதீங்க...' - ஒதுங்கி ஓடும் சினிமாக்காரர்கள்!

கருணாநிதிக்கு விழா எடுப்பதில் தனி சாதனையே படைத்தனர் சினிமாக்காரர்கள், கடந்த 2010-ம் ஆண்டு.

அவர் உட்கார்ந்தால் ஒரு விழா, எழுந்தால் ஒரு விழா, பேனா மூடி கழற்றினால் ஒரு விழா என்று விசுவாசத்தை டன் கணக்கில் கொட்டினர் மேடைகளில். பிறவி திமுக காரன்கூட தோற்றுப் போகும் அளவுக்கு கருணாநிதியையும் அவரது ஆட்சியையும் புகழ்ந்து தள்ளினர்.

சிலர் இன்னும் ஒரு மேலே போய் கருணாநிதியிடம் அப்பா - பிள்ளை என சென்டிமெண்ட் 'சீன்' காட்டினர்.

காலம் எல்லாவற்றையும் கவனித்துக் கொண்டே, அடுத்த அச்சுக்கு காட்சிகளை நகர்த்துகிறது. இதோ... இப்போது எந்த சினிமா பறவையும் அறிவாலயம் பக்கம் திரும்பிக் கூடப் பார்க்காமல் கோடம்பாக்கத்துக்கு பஞ்சாய் பறக்கிறது!

இத்தனை காலமும் கருணாநிதியும் அவரது குடும்பத்தினரும்தான் சினிமாவைக் காத்து கரைசேர்த்து வருவதாக துதி பாடிய அதே வாய்கள், தேர்தல் அறிவிக்கப்பட்ட பிறகு 'திமுக குடும்ப ஆதிக்கம் தாங்க முடியவில்லை' என்று கோரஸ் பாடுகின்றன.

சினிமாக்காரர்களுக்கு பையனூர் அருகே இலவச நிலம், வீடு என அமர்க்களமாக அறிவித்தார் கருணாநிதி. அடிக்கல் நாட்டு விழாவும் நடந்தது. இப்போது அங்கே சினிமா ஸ்டுடியோக்கள் கட்ட துவக்க விழாவை நடத்தத் திட்டமிட்டுள்ளனர் (இதுவும் அரசாங்கப் பணம்தான்!). இதற்காக முக்கிய நடிகர்களைக் கூப்பிட்டால், தெனாலிராமனின் பூனையை விட அதிவேகமாகப் பாய்ந்தோடிப் பதுங்கி வருகின்றனர் இந்த வாய்ச்சொல் வீரர்கள்!

முதல்வரின் எந்த விழாவாக இருந்தாலும் முதலில் வந்து நிற்கும் ரஜினியும் கமலும் மட்டும், "கண்டிப்பா வர்றோம். ஆனா அரசியல் கலர் பூசிடாதீங்க..." என்று கேட்டுக் கொண்டு ஒப்புதல் கொடுத்துள்ளனராம். ஆனால் நேற்றைய மழையில் முளைத்து கருணாநிதியிடமும் இந்த ஆட்சியிலும் எக்கச்சக்கமாய் பலன்களை அனுபவித்த வாரிசு நடிகர்களெல்லாம், 'கருணாநிதி ஃபங்ஷனுக்கு எங்களை எதுக்குக் கூப்பிடறீங்க. நாங்க என்ன எம்எல்ஏக்களா?' என்று கேட்டுவிட்டு வேகமாய் போனை வைத்துவிட்டார்களாம்.

இதைவிட சுவாரஸ்யமான சமாச்சாரம், எதிர் முகாமுக்கு ஆதரவாக இப்போதே ஆள்திரட்ட ஆரம்பித்துள்ள சில நடிகர்கள்தான். இப்போதே மேடைகளில் திமுகவுக்கு எதிராகப் பேசுவதோடு, அதிமுகவின் அனுதாபிகளாகவும், 'புரட்சித் தலைவரின் ரத்தத்தின் ரத்தங்களாக'வும் தங்களைக் காட்டி வருகிறார்கள்.

வெளியாகும் புதிய படங்களையும் ஜெயா டிவிக்கு விற்றுத் தரும் வேலையையும் இவர்கள் கையிலெடுத்துள்ளனர்.

இரட்டை இலை துளிர்க்கத் தொடங்கிவிட்ட நம்பிக்கையில் இப்போது போயஸ் தோட்டத்தில் தஞ்சமாகத் தொடங்கியுள்ளன சினிமா பறவைகள்... அது வேடந்தாங்கலா, வேட்டைக்காரர்களின் இடமா என்பது போகப் போகத்தானே தெரியும்!!

'விஜய் வரலைன்னா மொள்ளமாறிகளும் முடிச்சவிக்கிகளும் அரசியலுக்கு வந்துடுவாங்க!'

அடேங்கப்பா.... எதையும் பிளான் பண்ணி செய்யனும் என்ற வடிவேலுவின் 'பொன் மொழி'க்கு பொழிப்புரை என்றால் அது எஸ் ஏ சந்திரசேகரனின் சட்டப்படி குற்றம் ஆடியோ வெளியீட்டு விழாவைத்தான் சொல்ல வேண்டும்.

திமுகவைத் தாக்கவேண்டும், அதிமுகவுக்கு ஆதரவாகவும் இருக்க வேண்டும், அதே நேரம் விஜய்யின் அரசியலுக்கு 'பக்கா ப்ளாட்பார்மாகவும்' நிகழ்ச்சி அமைய வேண்டும்.... சந்திரசேகரனின் இத்தனை நோக்கங்களும் பக்காவாக நிறைவேறியது இந்த ஆடியோ வெளியீட்டு விழாவில்!

கமலா திரையரங்கில் இன்று நடந்த சட்டப்படி குற்றம் இசை வெளியீட்டு விழாவில் துவக்கத்திலிருந்தே அரசியல் வாடை தூக்கலாக இருந்தது. மேடை கிடைத்தால் போதும், எதையும் பேசத் தயாராக இருக்கும் சத்யராஜ், சீமான், ஆர்கே செல்வமணி என கிட்டத்தட்ட 30 பேர் இதில் பங்கேற்றனர். எல்லோரும் பேசினார்கள். காலை 9.30க்குத் துவங்கிய விழா, பகல் 12 மணி தாண்டியும் நடந்தது.

எஸ்ஏ சியின் குருவும், இப்போதைய ஆட்சியின் தீவிர ஆதரவாளருமான விசி குகநாதன் விழாவில் பங்கேற்றார். இந்தப் படம் அரசாங்கத்துக்கு எதிரானதல்ல என்றெல்லாம் அவர் பாலிஷ் போட, அடுத்துப் பேச வந்த அனைவரும்-எஸ்ஏசி- உள்பட, படம் அரசுக்கும் இப்போதைய ஆட்சிக்கும் எதிரானதே என்றனர் தெள்ளத் தெளிவாக. இன்னொரு திமுக ஆதரவாளரான ராம நாராயணன் மவுனமாக வேடிக்கைப் பார்த்துக் கொண்டிருந்தார்!

கருணாநிதி மடியில் உட்கார்ந்தேன், வசனம் பேசி நடித்தேன் என்று பெருமை பேசும் சத்யராஜ், இந்த மேடையில் வாய்ப்பு கொடுத்த சந்திரசேகரனுக்கு விசுவாசம் காட்டினார். சினிமா - அரசியல் இரண்டிலும் எம்ஜிஆர் மாதிரி வருவாராக்கும் விஜய் என்று கூச்சமே இல்லாமல் சொல்லி கைதட்டல் வாங்கிக் கொண்டார் அவர்.

'6 பேர் பலியானால் ஆயிரம் பேர் புலியாவோம்' என்று வேறு பஞ்ச் அடித்தார் கோயமுத்தூரைக் கூட தாண்டிப் போக முடியாத இந்த சினிமா புலி!

இந்த விழாவில் எஸ் ஏ சந்திரசேகரனின் நண்பர் என்ற முறையில் கலந்து கொண்ட கமலா தியேட்டர் உரிமையாளர் சிதம்பரம், "விஜய் நல்ல நடிகர். அவர் ஹாலிவுட் நடிகர்களுக்கு இணையாக வருவார். எனவே அவருக்கு அரசியல் வேண்டாம். என் நண்பர் சிவாஜி கணேசனுக்கு நேர்ந்தது அவருக்கும் நேரக் கூடாது" என்று ஏகத்துக்கும் உண்மையைப் பேசிவிட, அமைதியாகப் பார்த்துக் கொண்டிருந்தார் எஸ்ஏசி.

அடுத்துப் பேசிய சீமான் சீறித் தள்ளினார். "என் தம்பி விஜய் அரசியலுக்கு வந்தே தீரணும். அவர் ஒதுங்கிப் போகக் கூடாது. விஜய் மாதிரி நல்லவங்க ஒதுங்கிப் போவது, கெட்டவர்களுக்கு வசதியா போகுது. விஜய் வரலேன்னா மொள்ளமாறிகளும் முடிச்சவிக்கிகளும் வந்துடுவாங்க. இன்னிக்கு ஒரு குடும்பத்தின் பிடியில் நாடும் சினிமாவும் சிக்கி சீரழிஞ்சிடுச்சி. இதை மாத்தற சக்தி தம்பி விஜய்க்கு இருக்கு" என்று முழங்கினார் கழுத்து நரம்பு புடைக்க.

விழாவில் பங்கேற்ற கே டி குஞ்சுமோன், 'சட்டப்படி குற்றம் படத்தை பார்த்தா இந்த அரசாங்கமே எஸ் ஏ சந்திரசேகர் காலில் விழுந்து கதறும். நாங்க செஞ்சதெல்லாம் தப்புன்னு மன்னிப்புக் கேட்கும்' என்றெல்லாம் தமாஷ் பண்ணிக் கொண்டிருந்ததை, உளவுத் துறையினர் கவனமாகக் குறிப்பெடுத்துக் கொண்டிருந்தனர்!!

தேமுதிக-இடதுசாரிகள் 3வது அணி மிரட்டல்: அதிமுகவிடம் சாதகமான சீட்களைப் பெற 'நாடகம்'?

சென்னை: தாங்கள் கேட்ட தொகுதிகள் கிடைக்காததாலும், விரும்பிய தொகுதிகளை வாங்கவுமே '3வது அணி' என்ற மிரட்டல்  நாடகத்தை தேமுதிக, இடதுசாரிகள் உள்ளிட்ட நடத்துவதாகத் தெரிகிறது.

இந்த நெருக்குதலுக்கு ஜெயலலிதா பணிந்து வந்தால் 3வது அணி என்ற யோசனையை தூக்கி தூரப்போட்டு விட இந்த தலைவர்கள் தயாராக உள்ளனர். ஒருவேளை ஜெயலலிதா பணியாவிட்டால் 3வது அணி குறித்து இவர்கள் தீவிரமாக சிந்திப்பார்கள் என்று தெரிகிறது.

தனி அணி அமைத்தால் வைகோவை உடன் சேர்த்துக் கொள்வது என்ற முடிவிலும் இவர்கள் உள்ளனர். அதிமுகவுடன் சமரசம் ஏற்பட்டுவிட்டால் வைகோவை இவர்கள் மறந்துவிடுவர். அதாவது, ஜெயலலிதாவைப் போலவே, இவர்களும் வைகோவை ஒரு ஊறுகாய் போல பார்க்கிறார்கள் என்பதே உண்மை.

திடீரென நேற்று இரவு 160 தொகுதிகளுக்கான அதிமுக வேட்பாளர்களை அறிவித்தது அதிமுக. அதில் தேமுதிக, மார்க்சிஸ்ட் கம்யூனிஸ்ட், இந்திய கம்யூனிஸ்ட், புதிய தமிழகம்  , மூவேந்தர் முன்னேற்றக் கழகம், பார்வர்ட் பிளாக் ஆகிய கட்சிகள் கோரிய தொகுதிகளும் இருக்கவே கூட்டணியில் இடம் பெற்றுள்ள அனைத்து கட்சிகளுமே கடும் அதிர்ச்சி அடைந்தன.

இது குறித்து தேமுதிக தலைவர் விஜயகாந்த்  இன்று காலை தனது கட்சியினரோடு அவசர ஆலோசனையில் ஈடுபட்டார். இருப்பினும் இதில் ஒரு முடிவுக்கு வர அவர்களால் முடியவில்லை. கூட்டணி என்ற கான்செப்டுக்கு வந்தாகி விட்டது. இனிமேல் தனித்துப் போட்டியிடுவது என்பது தற்கொலைக்குச் சமமானது என்பதால் கூட்டணியில் நீடிப்பதே நல்லது என்ற யோசனையை கட்சி நிர்வாகிகள் பலரும் கூறினார்கள் என்கிறார்கள்.

அதேபோல மார்க்சிஸ்ட் கம்யூனிஸ்ட் அலுவலகத்துக்கு வந்த இந்திய கம்யூனிஸ்ட் மாநிலச் செயலாளர் தா.பாண்டியன், புதிய தமிழகம் தலைவர் டாக்டர் கிருஷ்ணசாமி, மூவேந்தர் முன்னேற்ற முன்னணி தலைவர் டாக்டர் சேதுராமன், பார்வர்ட் பிளாக் தலைவர் பா.கதிரவன் ஆகியோர் சிபிஎம் மாநிலச் செயலாளர் ஜி.ராமகிருஷ்ணனை சந்தித்து ஆலோசனை நடத்தினர்.

பின்னர் இவர்கள் அனைவரும் தேமுதிக அலுவலகத்துக்குச் சென்று விஜய்காந்துடன் ஆலோசனை நடத்தினர். அப்போதும் இவர்களால் ஒரு திடமான முடிவுக்கு வர முடியவில்லை என்று தெரிகிறது.

அதேசமயம், இந்த தலைவர்களின் இந்த திடீர் கூட்டம், பரபரப்பு பேச்சு, அங்கும் இங்கும் விரைந்தது ஆகியவையெல்லாம் அதிமுகவுக்கு நெருக்கடி கொடுப்பதற்காகவே என்றும் கூறப்படுகிறது. இவ்வாறு நெருக்கினால், 3வது அணி அமைப்போம் என்று சாடை மாடையாக கூறினால், அதிமுக இறங்கி வரும் கேட்ட தொகுதிகளைக் கொடுக்கலாம் என்ற எதிர்பார்ப்பில்தான் இந்தத் தலைவர்கள் இவ்வாறு ஓடியாடி வருவதாக கூறப்படுகிறது.

அதிமுக பணியாவிட்டால் 3வது அணி அமைப்பது அப்போது வைகோவையும் உடன் சேர்த்துக் கொள்வது, ஜெயலலிதா இறங்கி வருவதாக தெரிந்தால் 3வது அணியை கிடப்பில் போட்டு விடுவது, வைகோவையும் கண்டு கொள்ளாமல் விட்டுவிடுவது என்ற ஐடியாவில் இவர்கள் இருப்பதாகவும் தெரிகிறது.

கூட்டணிக்குழப்பவாதிகள்

கடந்த நாடாளுமன்ற தேர்தலில் காங்கிரசுடன் கூட்டணி அமைக்க முயன்று தோல்வியுற்ற நடிகர் விஜயகாந்த் இந்த தேர்தலில் அஇஅதிமுகவுடன் கூட்டணி அமைப்பதில் தவறில்லை என்று இப்போது முடிவு செய்திருக்கிறார். அவருடைய தற்போதைய ஒரே குறிக்கோள் திமுகவை ஆட்சியிலிருந்து அகற்றுவதுதான். ஊழல் இல்லாத ஆட்சியை என்னால் மட்டுமே தரமுடியும் என்று நேற்றுவரை கோஷமிட்டுக்கொண்டிருந்தவர் வருமானத்திற்கு மீறி சொத்து குவித்த வழக்கில் தீர்ப்பை எதிர்நோக்கியிருக்கும் தலைவியுடன் கூட்டு சேர்வது இன்றைய அரசியல் விநோதங்களில் ஒன்று.

தமிழகத்தில் நடைபெற்ற கடந்த சட்டமன்ற தேர்தலிலும், நாடாளுமன்ற தேர்தலிலும் பெரும்பான்மை இடங்களில் தேதிமுக பெற்ற வாக்குகளை சம்பந்தப்பட்ட தொகுதியில் இரண்டாவதாக வந்திருந்த அஇஅதிமுக கூட்டணியின் வேட்பாளருடைய வாக்குகளுடன் சேர்த்து கணக்கிட்டால் வெற்றிபெற்றவர் நிச்சயம் தோற்றிருப்பார் என்கிறது இந்து தினத்தாளில் இன்று வெளியாகியுள்ள ஒரு ஆய்வறிக்கை.

உண்மைதான். அதுமட்டுமல்லாமல் பல தொகுதிகளில் பாமகவை, ஏன் சில தொகுதிகளில் அஇஅதிமுகவையும் கூட மூன்றாம் இடத்துக்கு தேதிமுக தள்ளியதும் உண்மை.

ஆனால் அந்த இரண்டு தேர்தல்களிலும் தேதிமுகவுக்கு கிடைத்த வாக்குகளில் பெரும்பாலானவை இரண்டு திராவிட கட்சிகள் மீதும் வெறுப்பு கொண்டவர்கள் மற்றும் நடுநிலையாளர்கள், குறிப்பாக படித்த இளைஞர்களின் வாக்கு என்பதை மறுக்கவியலாது. என்னைப் போன்ற உண்மையான காங்கிரஸ்காரர்கள் தங்களுடைய கட்சியினர் மீதே வெறுப்புகொண்டு அதை வெளிக்காட்ட அளித்த வாக்குகளும் இதில் அடக்கம். ஆகவேதான் இரண்டு தேர்தல்களிலும் எந்த ஒரு தொகுதியையும் (ஒரேயொரு சட்டமன்ற தொகுதியில் வெற்றிபெற்றாலும் நடிகர் சட்டமன்ற கூட்டங்களுக்கே எத்தனை நாள் சென்றிருந்தார், என்ன பேசினார் என்பது அவருக்கு வாக்களித்த தொகுதி வாக்காளர்களை கேட்டால் தெரியும்!) கைப்பற்றவில்லை என்றாலும் தன்னுடைய கட்சி தனித்து நிற்பதையே வாக்காளர்கள் விரும்புகின்றனர் என்பது தேர்தல் முடிவுகள் தெளிவுபடுத்துகின்றன என அறிக்கைவிட்டார் நடிகர்! அவருடைய அறிக்கையில் ஓரளவு உண்மையும் இருந்ததாக அப்போது நான் உணர்ந்தேன்.

ஆனால் ஊழலை ஊழலுக்கு பெயர்பெற்றவரால்தான் ஒழிக்க முடியும் என நினைத்தாரோ என்னவோ தங்களுடைய இரு கட்சிகளுக்கும் பொதுவான எதிரியான திமுகவை ஒழிக்க அஇஅதிமுகவுடன் கூட்டணி அமைப்பதில் தவறில்லை என்ற முடிவுக்கு வந்துவிட்டார். அவருடைய இந்த முடிவுக்கு இது மட்டும்தான் காரணமா அல்லது தமிழக அரசின் சில முடிவுகளால் தனிப்பட்ட முறையில் ஏற்பட்ட இழப்புகளுக்கு வஞ்சம் தீர்க்க இது ஒன்றுதான் வழி என்று நினைத்தாரா என்பதை காலம்தான் பதிலளிக்கும்.

தேர்தல் காலத்தில் கூட்டணி அமைத்து மக்களை சந்திப்பதில் தவறேதும் இல்லை. கொள்கை அளவில் இருதுருவங்களாக செயல்படும் பல கட்சிகள் தேர்தல் காலங்களில் தொகுதி உடன்பாடு வைத்துக்கொள்வதும் தேர்தலுக்குப் பிறகு தங்கள் வழியில் செல்வதும் அல்லது விடுதலை சிறுத்தைகள், பாமகவினரைப் போன்று தேர்தல் முடிந்த உடனேயே கூட்டணியிலிருந்து விலகி எதிர் அணியினருடன் சேர்ந்துக்கொள்வதும் சகஜம்தான். தேர்தல் தியதி அறிவிக்கப்படும்வரையிலும் வசைமாரி பொழிந்துக்கொள்வதும் தியதி அறிவிக்கப்பட்டவுடன் எந்த கூட்டணி அதிக தொகுதிகள் தருகின்றனரோ அந்த கூட்டணியில் இணைந்துக்கொள்வதும் தமிழகத்தில் மிக, மிக சகஜமாகிவிட்ட கூத்து.

ஆனால் இரண்டு திராவிடக் கட்சிகளுமே ஊழலின் பிறப்பிடங்கள் ஆகவே தமிழகத்தை அந்த கட்சிகளின் பிடியிலிருந்து காப்பாற்றவே நான் அவதாரம் எடுத்திருக்கிறேன் என்றெல்லாம் கூறிவந்த ஒருவர் அத்தகைய கட்சிகள் ஒன்றுடன் கூட்டணி வைத்துக்கொள்ளும் அளவுக்கு தன்னுடைய கொள்கையிலிருந்து இறங்கி வந்திருப்பது வியப்பை அளிக்கிறது.

கொள்கை அளவில் மாறுபடும் இரு கட்சிகள் தேர்தலுக்காக இணைந்து செயல்படுவதே சற்று சிரமம்தான். தலைவர்கள் இணைந்தாலும் தொண்டர்கள் அத்தனை எளிதாக பகைமையை மறந்து இணைந்து தேர்தல் பணியாற்றுவது அதை விட சிரமம். ஆனால் தனிப்பட்ட முறையில் ஒரே மாதிரியான (அதாவது தனக்கு மட்டுமே எல்லாம் தெரியும், தன்னுடைய சொல்லுக்கு மறுசொல் இல்லை, தன்னை சுற்றியுள்ள அனைவருமே ஆமாம் சாமிகளாக இருக்க வேண்டும் என்ற) குணாதிசயங்கள் கொண்ட இரு தலைவர்கள் இணைந்து செயல்பட முடியுமா என்பதுதான் கேள்விக்குறியாக உள்ளது. தொகுதிகளை பங்கிட்டுக் கொள்வது சுமுகமாக நடந்து முடிந்தாலும் தேர்தல் தியதிவரையிலும் கூட இவர்கள் இருவருக்கும் இடையில் கருத்து வேறுபாடு இல்லாமல் இருக்குமா என்பது சந்தேகமே. பேச்சுவார்த்தை முடிந்து ஒப்பந்தத்தில் கையொப்பம் இடுவது யாருடைய வீட்டில் அல்லது அலுவலகத்தில் என்பதில் கூட கருத்து ஒவ்வாமை இருக்க வாய்ப்புள்ளது. அதன் பிறகு பிரச்சாரம்... இருவரும் ஒரே மேடையில் பிரச்சாரம் செய்ய முடியுமா? எதிரில் நிற்பவரை பொசுக்கிவிடக்கூடிய அளவுக்கு நெருப்பு நீரோடையாக பொங்கி பீறிவரும் தலைவியின் பேச்சுக்கு தட்டித்தடுமாறும் தலைவரின் பேச்சு ஈடுகொடுக்க முடியுமா? அல்லது எடுபடத்தான் செய்யுமா?

அதுவும் போகட்டும். தேர்தலில் வெற்றிபெற்றாகிவிட்டது என்றே வைத்துக்கொள்வோம். அஇஅதிமுக தனித்து ஆட்சி அமைக்கும் அளவுக்கு வெற்றிபெற்று தேதிமுக ஓரிரண்டு தொகுதிகளில் மட்டுமே வெற்றிபெற்றால் (இதை உறுதி செய்ய தலைவி தன்னுடைய தொண்டர்களுக்கு நிச்சயம் கட்டளையிட்டிருப்பார்) தலைவி நடிகரை சீந்துவாரா என்ன? இதில் சந்தேகம் இருக்கும் பட்சத்தில் நடிகர் மருத்துவர் ஐயாவிடம் கேட்டு தெரிந்துக்கொள்வது நல்லது.

நடிகருக்கு ஒரு கோரிக்கை: எந்த ஒரு சூழலிலும் அஇஅதிமுக நீங்கள் அறிவித்த ஊழலற்ற ஆட்சியை தரப்போவதில்லை. தலைவி விரும்பினாலும் அவருடைய தோழியும் சுற்றியுள்ள சில்லறை தலைவர்களும் ஊழலை விடப்போவதில்லை. ஆகவே இப்போதே ஆட்சியைப் பிடிப்பதைப் பற்றி கவலைப்படாமல் கட்சியை வளர்ப்பதில் முனையுங்கள். இம்முறையும் தனித்து நின்று உங்களுடைய இடத்தை தக்கவைத்துக்கொள்வதில் கவனம் செலுத்துங்கள்.

அதையும் மீறி திமுகவை வீழ்த்துவதுதான் இன்றைய தேவை என்ற முடிவுடன் விருப்பமில்லாத ஒரு கூட்டணியில் நுழைவது என்று முடிவெடுக்கும் பட்சத்தில் எதிர்கொள்ளவிருக்கும் அவமானங்களை தாங்கிக்கொள்ளக் கூடிய மனவுறுதியை அளிக்க உங்கள் குலதெய்வத்தை வேண்டிக்கொள்ளுங்கள்.

இந்த கூட்டனியில் தலைவி வீசியெறியும் எலும்புத்துண்டுகளுக்காக ஏங்கி நிற்கும் மதிமுக மற்றும் இடதுசாரி கட்சிகளின் நிலை... பரிதாபம்! அவர்களுக்கும் திமுக என்கிற ஒரு பொது எதிரி இருப்பதால்தானே அனைத்து அவமானங்களையும் பொறுத்துக்கொள்ள முடிகிறது?

ஆகவே இந்த கூட்டணியை திமுக எதிர் அணி என்று குறிப்பிட்டாலும் தவறில்லை என்று கருதுகிறேன். 

Thursday, March 17, 2011

“நம்பர்-1” இடத்தை பிடிப்பேன் -பிரியாமணி


சினிமாவில் நம்பர்-1 இடத்தை பிடிக்கத்தான் ஒவ்வொரு நடிகையும் ஆசைப்படுகிறார்கள். சிலர் அப்படிப்பட்ட விருப் பம் தனக்கு இல்லை என்று வெளிப்படையாக பேசலாம். ஆனால் உள்ளூருக்குள் அந்த இடத்தை பிடிக்கத்தான் போராடுகிறார்கள்.
எனக்கும் நம்பர்-1 நடிகையாக ஆசை இருக்கிறது. அந்த இடத்தை நிச்சயம் பிடிப்பேன். அதற்காக ரொம்ப கஷ்டப்பட்டு நடித்து வருகிறேன். நடிகைகளுக்கு தேசிய விருது பெறுவதுதான் கனவு எனக்கு அந்த கனவு நிறைவேறி விட்டது.
சிறந்த நடிகை என்பதையும் நிரூபித்து விட்டேன். இனிமேல் ஒவ்வொரு படத்திலும் வித்தியாசமான கேரக்டர்களில் நடிக்க விரும்புகிறேன். சினிமாவில் நீடிப்பதற்கு கவர்ச்சி அவசியம்.
நானும் கதைக்கு தேவையென்றால் அதுபோன்று நடிப்பேன். தேவை இல்லாமல் கவர்ச்சி காட்ட மாட்டேன். தெலுங்கு பட உலகில் நிறைய வாய்ப்புகள் வருகிறது.

ஒரு கோடியில் எவன்டி உன்ன பெத்தான்… பாடல்


தமிழில் வானம் படத்தில் இடம்பெற்றுள்ள “எவன்டி உன்ன பெத்தான்…” என்ற பாடல் இந்தியில் ஆல்பமாக எடுக்கப்பட இருக்கிறது. இந்த ஆல்பத்தை ஒரு கோடி ரூபாயில் பிரம்மாண்டமாக எடுக்க இருக்கின்றனர்.
தெலுங்கில் சூப்பர் ஹிட்டான “வேதம்” படம் தமிழில், “வானம்” என்ற பெயரில் உருவாகி வருகிறது. இதில் சிம்பு ஹீரோவாகவும், அனுஷ்கா ஹீரோயினாகவும் நடித்து வருகின்றனர். படத்தில் சிம்பு தானே, ஒரு பாடல் ஒன்றை எழுதி பாடியுள்ளார். “எவன்டி உன்ன பெத்தான்… பெத்தான்… கையில கிடைச்சா செத்தான்… செத்தான்…” என்று ஆரம்பிக்கும் இப்பாடல் சில மாதங்களுக்கு முன்னர் ரிலீசானது. யுவன் சங்கர் ராஜா இசையில் வெளிவந்திருக்கும் இப்படால் இளைஞர்கள் மத்தியில் நல்ல வரவேற்பை பெற்றுள்ளது. இந்நிலையில் சிலதினங்களுக்கு முன்னர்தான் இப்பாடலுக்கு மகளிர் அமைப்பினர் எதிர்ப்பு தெரிவித்தனர். இப்பாடல் பெண்களை இழிவு படுத்துவதாகவும், ராகிங் செய்பவர்களுக்கு ஏதுவாக இருப்பதாகவும், தொடர்ந்து சிம்பு இதுபோன்று பெண்களை இழிவுபடுத்துவதாகவும் குற்றம் சாட்டி இருந்தனர்.
இதனிடையே இப்பாடலை கேட்ட பாலிவுட் நிறுவனம் ஒன்று, இந்தியில் ஆல்பமாக தயாரிக்க சிம்புவிடம் கேட்டுள்ளது. பாலிவுட் என்றதும், ஓ.கே. சொல்லிய சிம்பு, இப்பாடலுக்கான வேலையில் இறங்கியுள்ளார். மிக பிரம்மாண்டமாக எடுக்கப்பட இருக்கும் இந்த ஆல்பத்தில் சிம்புவே பாடலை எழுதி, பாடி, ஆடவும் இருக்கிறார். இவருடன் லண்டனை சேர்ந்த 30 நடன கலைஞர்களும் ஆட இருக்கின்றனர். ரூபாய் 1கோடி செலவில் எடுக்கப்படும் இந்த ஆல்பத்தை, பிரபல நடன இயக்குநர் அகமது கான் டைரக்ட் செய்கிறார்

விஜய் அதிரடி-பிரசாரத்துக்கு நோ; அறிக்கை மட்டும்தான்!


வரும் தேர்தலில் அதிமுகவுக்கு ஆதரவாக நடிகர் விஜய் பிரசாரம் செய்வார் என்று கூறப்பட்டு வந்த நிலையில், அவர் பிரசாரம் செய்ய மாட்டார் என்ற தகவல் வெளியாகியுள்ளது. ஆனால் அதிமுகவுக்கு ஆதரவாக ஒ‌ரேயொரு அறிக்கையை மட்டும் வெளியிட திட்டமிட்டிருப்பதாகவும் சொல்கிறது அந்த தகவல்.
காவலன் படம் ரீலிஸ் செய்வது தொடர்பாக எழுந்த பிரச்னைகளை சமாளிக்க விஜய்யின் தந்தை எஸ்.ஏ.சந்திரசேகர், அதிமுக பொதுச்செயலாளர் ஜெயலலிதாவின் உதவியை நாடினார். அப்போது முதல் விஜய் மீது அதிமுக முத்திரை குத்தப்பட்டு வருகிறது. விஜய்யும் தன் பங்குங்கு, ஆளும்கட்சியினர் காவலன் படம் திரையிடப்பட்டுள்ள தியேட்டர்காரர்களை மிரட்டுகிறார்கள்; காவலன் பேனர் வைக்க போலீசார் வேண்டுமென்றே தடை விதிக்கின்றனர் என்றெல்லாம் ஆளும்கட்சி மீது குற்றம்சாட்டினார்.
இதனால் விஜய் வரும் சட்டமன்ற தேர்தலில் அதிமுகவுக்கு ஆதரவாக பிரசாரம் செய்யப்போகிறார் என்று செய்திகள் வெளியாயின. ஆனால் இதுபற்றி விஜய்யோ, அவரது தந்தை எஸ்.ஏ.சி.யோ எந்தவிதமான தகவலையும் தெரிவிக்காத நிலையில், அதிமுகவில் விஜய்க்கு 3 சீட்டுகள் ஒதுக்கப்படவிருப்பதாகவும், எஸ்.ஏ.சி., புதுக்கோட்டை தொகுதியில் போட்டியிடப்போவதாகவும் கூறப்பட்டது. இதுபற்றி எஸ்.ஏ.சி.,யிடம் கேட்டால், மழுப்பலான பதிலையே தெரிவித்தார். தேர்தலில் போட்டியிடுவது பற்றி இன்னமும் முடிவு செய்யவில்லை என்றும் அவர் கூறினார்.
இதற்கிடையில் விஜய் தேர்தல் பிரசாரம் செய்யப்போவதில்லை என்ற தகவல் வெளியாகியுள்ளது. தேர்தல் நேரத்தில் வெளிநாட்டில் நடைபெறும் சூட்டிங்கிற்கு கிளம்பும் திட்டத்தில் இருக்கும் விஜய், தனது ரசிகர்கள் யாருக்கு ஓட்டு போட வேண்டும் என்பது குறித்து ஒரு அறிக்கையை மட்டும் வெளியிட முடிவு செய்திருக்கிறாராம். அந்த அறிக்கையாவது சூட்டை கிளப்புமா என்பதை பொறுத்திருந்துதான் பார்க்க வேண்டும்.