வருகை தந்த அனைவருக்கும் என் மனமார்ந்த நன்றிகள். எங்களது பதிவுகள் தொடர்பான உங்கள் கருத்துகளையும், வாக்குகளையும் எதிர் பார்க்கிறேன். நன்றி மீண்டும்வருக.

This is default featured slide 1 title

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

This is default featured slide 4 title

Go to Blogger edit html and find these sentences.Now replace these sentences with your own descriptions.

This is default featured slide 5 title

Go to Blogger edit html and find these sentences.Now replace these sentences with your own descriptions.

Showing posts with label சினிமா. Show all posts
Showing posts with label சினிமா. Show all posts

Saturday, April 18, 2020

சமூக வலைத்தளத்தில் வைரலாகி வரும் சுனைனாவின் போஸ்டர்!


‘டிரிப்’ படத்தில் பிரவீன், யோகிபாபு, கருணாகரன் ஆகியோரும் நடித்துள்ளனர். டென்னிஸ் இயக்கி உள்ளார். சிலர் ஒரு குறிப்பிட்ட இடத்துக்கு பயணப்படுகின்றனர். அங்கு அவர்கள் சந்திக்கும் பயங்கரங்களே கதை. இதன் படப்பிடிப்பு முடிந்துள்ளது. கொரோனாவால் படத்தை வெளியிட முடியவில்லை என்றும் ரிலீஸ் தேதி விரைவில் அறிவிக்கப்படும் என்றும் படக்குழுவினர் தெரிவித்துள்ளனர்.

Thursday, November 28, 2019

28 வருடங்களுக்கு பிறகு மீண்டும் ஹீரோயினாக நடிக்கும் குஷ்பு

தமிழ் சினிமாவில் 80ஸ் காலகட்டங்களில் ரஜினி, கமல், விஜயகாந்த், சரத்குமார் என பல முன்னணி நடிகர்கள் படங்களில் நடித்து ரசிகர்களின் பேஃவரைட் நடிகையாக வலம் வந்தவர் நடிகை குஷ்பு. 
இவர் கடந்த 2001ம் ஆண்டு சுந்தர் சியை திருமணம் செய்துகொண்டார் இவர்களுக்கு அவந்திகா, ஆனந்திதா என்ற இரண்டு மகள்கள் உள்ளனர். திருமண வாழ்க்கைக்கு பிறகும் வெள்ளித்திரைகளில் குணச்சித்திர வேடங்களில் நடித்துக்கொண்டே தொலைக்காட்சி தொடர்களில் நடித்து வருகிறார். 
மேலும், அரசியலிலும் சில காலம் பயணித்தார் அம்மணி. ஆனால், அரசியலில் செல்ஃப் எடுக்காத காரணத்தினால் மீண்டும் சினிமாவிற்கே திரும்பியுள்ளார்.  தொலைகாட்சி சீரியல்களிலும் நடித்து வருகிறார். இந்நிலையில், பல ஆண்டு காலமாக குணச்சித்திர வேடங்களில் நடித்து வந்த குஷ்பு இப்போது மீண்டும் ஹீரோயினாக நடிக்கவுள்ளார். 

ஆம், இயக்குனர் சிவா இயக்கத்தில் நடிகர் ரஜினி நடிப்பில் உருவாகவுள்ள படத்தில் நடிகை குஷ்பு ரஜினிக்கு ஜோடியாக நடிக்கவுள்ளார் என்ற தகவல் வெளியாகியுள்ளது. இதற்க்கான பேச்சு வார்த்தை நடைபெற்று வருவதாகவும், உறுதி செய்யப்பட்டதும் அதற்க்கான அதிகாரபூர்வ அறிவிப்பு வெளியாகும் எனவும் கூறுகிறார்கள்.
இந்த படத்தை சன் பிக்சர்ஸ் நிறுவனம் பிரமாண்ட பொருட்செலவில் தயாரிக்கிறது. நடிகைகுஷ்பு கடந்த 1992-ம் ஆண்டு வெளியான அண்ணாமலை படத்தில் ரஜினிக்கு ஜோடியாக நடித்திருந்தார். அதன் பிறகு, 28 வருடங்கள் கழித்து ரஜினிக்கு ஹீரோயினாக நடிக்கவுள்ளார் என்ற தகவல் சினிமா ரசிகர்களுக்கு நிச்சயம் அதிர்ச்சியாக தான் இருக்கும்.

36 ஆண்டுகள் தனது நடிப்புத் திறமையால் வில்லனாக கோலொச்சியவர்..


சென்னை: தமிழ் சினிமாவில் 36 ஆண்டுகள் தனது நடிப்பு திறமையால் கோலொச்சிய நடிகர் பாலா சிங்கின் மரணம் திரைத்துறையினரை அதிர்ச்சியில் ஆழ்த்தியுள்ளது.

நடிகர் பாலா சிங் 1952ஆம் ஆண்டு கன்னியாகுமரி மாவட்டம் களியாக்காவிளையில் பிறந்தார். பள்ளி நாட்களிலேயே நடிப்பு மீது தீராத காதல் கொண்ட பாலா சிங், நடிப்புக்கான எந்த மேடை கிடைத்தாலும் அதனை அழகாக பயன்படுத்தி வந்துள்ளார்.

கல்லூரி காலத்திலும் மேடை நாடகங்களில் ஆர்வம் கொண்டார் பாலா சிங். அப்போதே மேடை நாடகங்களில் நடிக்கத் தொடங்கினார். நடிப்பு மீது கொண்ட காதலால் கல்லூரி காலத்திலேயே சென்னை தேசிய நாடக பள்ளியில் சேர்ந்து முறையாக நடிப்பு பயின்றார்.
  • மேடை நாடகங்களில் நடித்து வந்த அவர், மலையாள படத்தின் மூலம் திரைத்துறைக்கு அறிமுகமானார். மலையாளத்தில் முதல் படமான மலை முகலிலே தெய்வம் என்ற படத்தின் மூலம் நடிகராக அறிமுகமான அவருக்கு அடுத்தடுத்து பட வாய்ப்புகள் கிட்டின.
  • தமிழில் நடிகர் நாசரின் அறிமுகம் கிடைக்க 1995ஆம் ஆண்டு அவர் எழுதி இயக்கி நடித்த அவதாரம் படத்தில் நடித்தார் பாலா சிங். அந்த படத்தில் அவரது நடிப்பு நல்ல விமர்சனத்தை பெற்றது.
இதனால் தமிழ் சினிமாவின் முன்னணி இயக்குநர்களின் கவனத்தை பெற்றார் பாலா சிங். இதன் பலனாக இயக்குநர் சங்கரின் இயக்கத்தில் இந்தியன் படத்தில் கமல்சஹாசனுடன் இணைந்து நடிக்கும் வாய்ப்பு கிடைத்தது.


தொடர்ந்து தமிழ் சினிமாவில் பிஸியாக நடித்த பாலா சிங், மணி ரத்னம் இயக்கத்தில் வெளியான கன்னத்தில் முத்தமிட்டால் படத்திலும் நடித்திருந்தார். நூற்றுக்கும் மேற்பட்ட படங்களில் நடித்துள்ள பாலா சிங் பல முன்னணி நடிகர்களுடன் வில்லனாக நடித்துள்ளார்.

குணச்சித்திர நடிகராகவும் வலம் வந்தார் பாலா சிங். கடைசியாக நடிகர் ஆர்யா நடிப்பில் வெளி வந்த மகாமுனி படத்தில் அரசியல்வாதியாக நடித்திருந்தார். அதுதான் அவர் தமிழில் நடித்த கடைசி படம்.

சினிமாவில் மட்டுமின்றி டிவி சீரியல்களிலும் நடித்து வந்தார் பாலா சிங். சூலம், ருத்ரவீணை, நல்ல நேரம், ஆதிரா ஆகிய நான்கு தொலைக்காட்சி தொடர்களில் நடித்திருக்கிறார்.

தீவிர சிகிச்சை :

கடந்த சில நாட்களுக்கு முன்பு கடுமையான காய்ச்சல் மற்றும் மூச்சுத் திணறல் ஏற்பட்டுள்ளது. இதனைத் தொடர்ந்து சென்னை வடபழனியில் உள்ள பிரபல தனியார் மருத்துவமனையில் சிகிச்சைக்காக அனுமதிக்கப்பட்டார்.

அங்குச் சிகிச்சை அளிக்கப்பட்டு வந்த நிலையில், திடீரென்று மாரடைப்பு ஏற்பட்டு இன்று அதிகாலை 2 மணியளவில் அவரது உயிர் பிரிந்தது. அதனைத் தொடர்ந்து இன்று மாலை அவரது சொந்த ஊரான களியக்காவிளைக்கு உடலைக் கொண்டு சென்று அடக்கம் செய்யவுள்ளதாக கூறப்படுகிறது. பாலா சிங்கின் மறைவுக்கு திரைத்துறையினர் பலரும் இரங்கல் தெரிவித்து வருகின்றனர். தமிழ் சினிமாவின் தவிர்க்க முடியாத நடிகர்களில் ஒருவரான பாலா சிங்கின் மரணம் திரைத்துறையை சோகத்தில் ஆழ்த்தியிருக்கிறது.

Saturday, November 23, 2019

விடாமல் துரத்துகிறார்…மரியான் நடிகை போலீசில் புகார்..! முகநூல் விபரீதங்கள்


பூ, மரியான் உள்ளிட்ட படங்களின் கதாநாயகியாக நடித்துள்ள நடிகை பார்வதி மேனன், அளித்த புகாரின் பேரில் காவல் துறையினர், விரட்டி விரட்டி தொல்லை கொடுத்த குற்றச்சாட்டில் வழக்கறிஞர் மீது 2 பிரிவுகளின் கீழ் வழக்கு பதிவு செய்துள்ளனர். முகநூல் மூலம் ஆரம்பித்த தொல்லையின் பின்னணி குறித்து விவரிக்கிறது இந்த செய்தி தொகுப்பு..

பூ படத்தின் மூலம் தமிழ் திரை உலகில் அறிமுகமாகி தனுஷுடன் மரியான் படத்தில் இணைந்ததால் பிரபலமானவர் மலையாள நடிகை பார்வதி மேனன். தற்போது மலையாள படங்களில் நடித்து வருவதோடு, பெண்ணிய சிந்தனையாளராகவும், பறவைகள் நல ஆர்வலராகவும் விளங்கும் நடிகை பார்வதி மேனன் தன்னை ஒருவர் தொடர்ந்து பின் தொடர்ந்து வந்து தொல்லை தருவதாக கேரள போலீசில் புகார் ஒன்றை அளித்துள்ளார்.

அதில் தனது சகோதரரின் முகநூல் மெசேஞ்சர் மூலம் முதலில் தன்னை பற்றி விசாரித்த கிஷோர் என்ற நபர் தன்னை சினிமா இயக்குனர் என கூறிக் கொண்டு அறிமுகமானதாக குறிப்பிட்டுள்ளார்.

தொடர்ச்சியாக மெசேஞ்சரில் தகவல்களை தெரிவித்து வந்த அவர் ஒரு கட்டத்தில் தன்னை பற்றி தேவையில்லாத தகவல்களை கேட்டதாகவும், அத்தோடு இல்லாமல், கொச்சியில் இருந்து கொண்டு தான் அமெரிக்காவில் வசிப்பதாக கூறி தொடர்ந்து தனது குடும்ப உறுப்பினர்களிடம் முக நூல் கணக்கிலும் நேரிலும் தொல்லை கொடுத்து வருவதாக தெரிவித்துள்ளார் பார்வதி மேனன்.

ஒரு கட்டத்தில் தான் செல்லும் இடங்களுக்கு, தவறான நோக்கத்துடன் தன்னை பின் தொடர்ந்து வந்து தொல்லை கொடுத்து வருவதாகவும் குற்றஞ்சாட்டி இருந்தார்.

இதையடுத்து நடிகை பார்வதி மேனனை துரத்தி துரத்தி தொல்லை கொடுத்த அந்த நபர் கொச்சியை சேர்ந்த வழக்கறிஞர் கிஷோர் என்பதை கண்டறிந்த காவல்துறையினர் அவர் மீது 354 டி மற்றும் இந்திய தண்டனை சட்டம் 120 ஓ பிரிவு ஆகியவற்றின் கீழ் வழக்கு பதிவு செய்து விசாரித்து வருவதாக தெரிவித்துள்ளனர்

அருங்காட்சியகத்தில் நடிகர் விஜய்க்கு மெழுகுச் சிலை - எங்கே தெரியுமா?


உலக சுற்றுலா தளங்களில் முக்கிய பகுதி கன்னியாகுமரி . அந்த மாவட்டத்தில் ரயில்  நிலையம் அருகே அமைந்துள்ள மாயாபுரி- WAX அருங்காட்சியகத்தில்  தளபதி விஜய்க்கு இன்று  மெழுகு சிலை விஜய் மக்கள் இயக்க ரசிகர்கள் முன்னிலையில் திறந்து பொது மக்கள் பார்வைக்கு வைக்கப்பட்டது.
 
இந்த அருங்காட்சியகத்தில் அமிதாப் பச்சன் , அன்னை தெரசா , ஒபாமா போன்ற முக்கியமான  ஜாம்பவான்களான 20 சிலைகள் மட்டுமே உள்ளன . அதில் தளபதி விஜய் அவர்களின் மெழுகு சிலையும் இணைத்துள்ளது . தமிழ் நடிகர்களில் தளபதி விஜய்க்கு மட்டுமே இந்த அருங்காட்சியகத்தில்  சிலை உள்ளது . தளபதி விஜயின் மெழுகு சிலையுடன் சுற்றுலா பயணிகளும் , ரசிகர்களும் மகிழ்ச்சியுடன் புகைப்படங்கள் எடுத்துக்கொண்டு வருகின்றனர் .


இது தொடர்பாக விஜயின் செய்தித் தொடர்பாளர் தரப்பில், "உலக சுற்றுலா தளங்களில் முக்கிய பகுதி கன்னியாகுமரி. அந்த மாவட்டத்தில் ரயில் நிலையம் அருகே அமைந்துள்ள தளபதி விஜய்க்கு இன்று மெழுகு சிலை விஜய் மக்கள் இயக்க ரசிகர்கள் முன்னிலையில் திறந்து பொது மக்கள் பார்வைக்கு வைக்கப்பட்டது. அவருக்கு உலகம் முழுவதும் கோடிக்கணக்கான ரசிகர்கள் உள்ளனர்.

இந்தி நடிகருடன் காதலா? கடுப்பான நடிகை.

இந்தி நடிகருடன் காதலா? கடுப்பான நடிகை.. என் வாழ்க்கை என் விருப்பம் என காட்டமாக பதில்!


நடிகை அனுபமா பரமேஸ்வரன் மலையாளத்தில் 2015ஆம் ஆண்டு வெளியான பிரேமம் படத்தின் மூலம் நடிப்புத்துறைக்கு அறிமுகமானார். தமிழில் கொடி படத்தின் மூலம் அறிமுகமானார் அனுபமா பரமேஸ்வரன். கொடி படத்தில் முட்டை வியாபாரம் செய்யும் பெண்ணாக முட்டை மாலதி என்ற கேரக்டரில் நடித்திருந்தார். துறுதுறு பெண்ணாக அவர் நடித்திருந்த அந்த கேரக்டர் ரசிகர்களிடையே பெரும் வரவேற்பை பெற்றது.

அண்மையில் கிரிக்கெட் வீரர் பும்ராவை அனுபமா காதலிப்பதாக தகவல் வெளியானது. ஆனால் அதனை இருவருமே மறுத்தனர். இதுபோன்ற கிசுகிசுக்கள் தொடரவே அனுபமாவை அன்ஃபாலோ செய்தார் பும்ரா.

இந்தி நடிகருடன் காதல் இந்நிலையில் அனுபமா பரமேஸ்வரன் இந்தி நடிகர் ஒருவருடன் நெருக்கமாக இருப்பதாக தகவல் வெளியாகியுள்ளது. இருவரும் காதலிப்பதாகவும் தகவல் வெளியானது.

இதனால் கடுப்பான அனுபமா, காதலிப்பதும் கல்யாணம் செய்துகொள்வதும் என்னுடைய தனிப்பட்ட விஷயம். இந்த விஷயத்தில் அடுத்தவர் தலையிடுவதை அநாகரிகம் என நினைக்கிறேன்.

என் வாழ்க்கையை எப்படி அமைத்துக்கொள்ள வேண்டும் என்பது எனக்கு தெரியும். இதுகுறித்து யாரும் கவலைப்படத்தேவையில்லை என காட்டமாக தெரிவித்திருக்கிறார். முன்னதாக கிரிக்கெட் வீரருடன் காதல் என கூறப்பட்ட நிலையில் தற்போது இந்தி நடிகருடன் காதல் என பேச்சு எழுந்துள்ளது குறிப்பிடத்தக்கது.


சினிமாவில் நுழையும் முன் நயன்தாரா வைரலாகும் வீடியோ

15 வருடங்களுக்கு மேல் சினிமாவில் சிறந்து விளங்கி வரும் நயன்தாரா, இந்த துறையில் வருவதற்கு முன் மலையாள தொலைக்காட்சி ஒன்றில் தொகுப்பாளியாக இருந்துள்ளார். மலையாள சேனல் ஒன்றில் அவர் தொகுப்பாளராக இருந்து நிகழ்ச்சியை தொகுத்து வழங்கும் வீடியோ வைரலாகி வருகிறது.

இன்று பல பெண்களின் ஆதர்சமாகவும், அடையாளமாகவும், வர்த்தக நாமமாகவும் உருவெடுத்துள்ள நயன்தாரா முதன்முதலில் என்ன வேலை செய்தார், எப்படி இந்த இடத்தை அடைந்தார், அதற்காக அவர் எப்படி உழைத்தார் என்ற தகவல்களை அந்த தொலைக்காட்சி வெளியிட்டது. நயன்தாரா முதன்முதலில் தொலைக்காட்சி நிகழ்ச்சியொன்றில் தொகுப்பாளினியாக தோன்றியிருந்தார். கைராலி நெட்வேர்க்கிற்காக ‘பியூட்டி டாக்டர்’ என்ற நிகழ்ச்சியையே தொகுத்து வழங்கியிருந்தார். 18 நிமிட நிகழ்ச்சியில் ஐந்து நிமிடங்களுக்கும் குறைவாகவே அவர் தோன்றுகிறார்.ஆனால் இன்று நயன்தாராவின் திரைப்படங்கள் சக்கை போடு போட்டு வருவது குறிப்பிடத்தக்கது.

2021ல் ரஜினி எடுக்கப்போகும் படத்தின் தலைப்பாகக் கூட இருக்கலாம்...

`2021-ல் தமிழக மக்கள் அரசியலில் அதிசயத்தை நூற்றுக்கு நூறு சதவிகிதம் நிகழ்த்துவார்கள்!' - ரஜினி

நடிகர்கள் திரைப்படங்களில் நடிப்பதை ரசிக்கலாம். ஆனால், அவர்கள்.. நானே அரசியல் செய்வேன், நானே வழிநடத்துவேன் எனச் சொல்வது தவறு. நடிகர்களின் அரசியல் பிரவேசம் என்பது எம்.ஜி.ஆர் காலத்தோடு முடிந்துவிட்டது” எனத் தமிழக காங்கிரஸ் கமிட்டி தலைவர் கே.எஸ்.அழகிரி தெரிவித்துள்ளார்.

ரஜினி குறித்து கே.எஸ்.அழகிரி


நடிகர்கள் ரஜினி, கமல் போன்றோர் மக்களின் சமூகப் பிரச்னைக்காக என்றாவது போராடி இருக்கிறார்களா? அரசின் பிரச்னைகளை வெளிப்படையாகச் சொல்லி இருக்கிறார்களா? அவர்கள் சொன்ன கருத்தில் ஆணித்தனமாக நிலை பெற்றிருக்கிறார்களா?. ரஜினி, கமலின் அரை நூற்றாண்டுக்கால சினிமா வாழ்வில் பொதுமக்களுக்காக அவர்கள் என்ன செய்தார்கள்?

நடிகர்களின் அரசியல் பிரவேசம் என்பது எம்.ஜி.ஆர் காலத்தோடு முடிந்துவிட்டது. அதன்பிறகு சினிமாவிலிருந்து அரசியலுக்கு வந்தவர்களை மக்கள் ஏற்றுக்கொள்ளவில்லை.

அஜீத்தின் ‘வலிமை’படத்தில் நடிக்க மறுத்த பிரபல நடிகர்...அதிர்ச்சி தகவல்

இப்போதைக்கு நாயகி பட்டியலில் நயன்தாரா பெயர் அடிபடும் நிலையில் அப்படத்தில் அஜீத் கேரக்டருக்கு அடுத்தபடியாக மிக முக்கியத்துவம் உள்ள ஒரு கேரக்டரில் நடிக்க படக்குழு அரவிந்த்சாமியை அணுகினார்களாம். ஆனால் படத்தின் கதை தனது கேரக்டர் உட்பட எதையுமே கேட்கக்கூட நேரம் ஒதுக்காத அர்விந்தசாமி முதல் அழைப்பு வந்த போனிலேயே தனது மறுப்பைத் தெரிவித்துவிட்டாராம்.


ஏ.எல்.விஜயின் ‘தலைவி’படத்தில் எம்.ஜி,ஆர். கேரக்டரில் நடித்துவரும் அரவிந்த்சாமி அந்த கெட் அப்பை இப்போதைக்கு மாற்ரிக்கொள்ள முடியாது என்ற காரணம் ஒரு பக்கமிருக்க, பிரபல இந்திப்பட இயக்குநர் நீரஜ் பாண்டேவின் படம் ஒன்றில் நடிக்க ஆறு மாதங்களுக்கு கால்ஷீட் கொடுத்திருப்பதும் அஜீத் படத்தை நிராகரிக்கக் காரணங்கள் என்று சொல்லப்படுகிறது.

Tuesday, August 27, 2013

விஜய்யின் ஜில்லா படத்துக்கு வந்த பிரச்சினை!


விஜய்யின் தலைவா படத்திற்கு கடைசி நேரத்தில் வரிவிலக்கு தரமுடியாது என்று கைவிரித்தது போன்று விஜய்யின் ஜில்லா படத்துக்கும் அதே நிலமை ஏற்படலாம் என்று சொல்லப்படுகிறது. விஜய்யின் தலைவா படத்தில் நிறைய ஆங்கிலச் சொற்கள் படத்தின் வசனத்தில் வருகின்றன என்று காரணம் காட்டித்தான் படத்திற்கு வரி விலக்கு தர முடியாது என்று சொல்லப்பட்டது. இதனால் படத்தை திரையரங்குகளில் ரிலீஸ் செய்வதிலும் பிரச்சினை ஏற்பட்டது. வரிவிலக்கு இல்லாவிட்டால் படத்தை மினிமம் கியாரன்டியில் படத்தை வாங்க முடியாது என்று கையை விரித்துவிட்டனர் திரையரங்கு உரிமையாளர்கள். அதைத் தொடர்ந்து ஒரு வழியாக தலைவா ரிலீஸ் ஆனது.

விஜய் இப்போது பிஸியாக ஜில்லா படத்தில் நடித்துக் கொண்டிருக்கிறார். சூப்பர் குட் பிலிம்ஸ் ஆர்.பி. சவுத்ரி தயாரிக்கும் ஜில்லா படத்தை நேசன் என்பவர் இயக்கிக் கொண்டிருக்கிறார். மலையாள சூப்பர் ஸ்டார் மம்முட்டியும் விஜய்யுடன் இணைந்து நடிக்கிறார். ஜில்லா படம் பொங்கல் அன்று ரிலீசாக உள்ளது. இந்நிலையில் இந்தப் படத்துக்கும் வரிச்சலுகை கிடைக்க வாய்ப்பில்லை என்று தகவல் கிளம்பியுள்ளது. அரசு வரிச்சலுகைக்கு விண்ணப்பிக்கும் படங்களிளுக்கு தலைப்பு தமிழில் இருக்க வேண்டும். ஆனால் விஜய்யின் ஜில்லா படத்தின் டைட்டில் வடமொழியில் உள்ளது. எனவே வரிச்சலுகை கிடைப்பது சந்தேகம் என்கிறார்கள் சிலர்.

தலைவாவுக்காக கடைசி நேரத்தில் என்னென்ன மாற்றம் எல்லாமோ செஞ்சாங்க, ஜில்லாவுக்கு வரிசலுகை இல்லைன்னா கடைசி நேரத்தில தலைப்பையும் மாற்றத் தயங்க மாட்டாங்க, அதுக்கு பேசாம இப்பவே மாத்திடுறது நல்லது…!

நடிகையும் நடிகனும் மூடிய அறைக்குள் மூன்றுநாள் அடைப்பு!!!

மூடிய அறைக்குள் 3 நாட்களாக ஒரு ஹீரோவையும், ஹீரோயினையும் அடைத்து வைத்து அவர்களுக்குள் கெமிஸ்ட்ரியை டெவலப் பண்ண டைம் கொடுத்து அப்புறம் ஷூட்டிங்கை வைத்துள்ளனர் பாலிவுட்டில். இந்த வித்தியாசமான டீலிங் நன்றாகவே கை கொடுத்ததாம்.. காரணம் படப்பிடிப்பின்போது ஹீரோவும், ஹீரோயினும் செம அன்னியோன்மாக நடித்துக் கொடுத்து அசத்தி விட்டனராம். சுத் தேசி ரொமான்ஸ் என்ற படத்திற்காகத்தான் இந்த ‘அலேக் போர்’….! பரினீதி சோப்ராதான் அந்த அழகான ஹீரோயின். அவர்தான் சுத் தேசி ரொமான்ஸ் படத்தில் காதல் காட்சிகளில் கலக்கியவர். அவருக்கு ஜோடியாக வருபவர் சுஷாந்த் சிங் ராஜ்புத். ஹேன்ட்சம் ஹீரோக்கள் வரிசையில் இடம் பெற்றுள்ள சுஷாந்த் காதல் காட்சிகளில் பரினீதியுடன் நன்கு இழைந்து இழைந்து நடித்துக் கொடுத்தாராம். தேரே மேரே பீச் மெய்ன் கியா ஹை என்ற பாடலுக்காகத்தான் இந்த 3 நாள் உள் வைப்பு அணுகுமுறையாம். இந்தப் பாட்டில் காதலும், கவர்ச்சியும், காமமும் நன்றாக வெளிப்பட வேண்டும் என்று விரும்பிய இயக்குநர் மனீஷ் சர்மா, ஹீரோவும், ஹீரோயினும் நன்கு அன்னியோன்யமாக பழக வேண்டு்ம் என்று நினைத்து 3 நாள் உள்ளேயே இருங்க என்று கூறினாராம். இதைக் கேட்ட பரீனிதியும், சுஷாந்த்தும் உடனே ஓ.கே. என்று சொல்லி விட்டார்களாம்.. பிறகென்ன ரெண்டு பேரையும் உள்ளே தள்ளி பூட்டி விட்டனர். 3 நாள் கழித்து வெளியே அழைத்து வரப்பட்ட இருவரையும் வைத்து அந்தப் பாட்டை படமாக்கினார்களாம். சும்மா சொல்லக் கூடாது.. பாட்டு படு சூப்பராக வந்திருக்காம்.. காரணம், இருவரின் நடிப்பும் அப்படி… ஆஹா..கெமிஸ்ட்ரிக்காகத்தானே அனுப்பினார்கள்.. கெமிஸ்ட்ரி மட்டும் தான் ஒர்கவுட் ஆனதா….. இல்லை…… 
 முடிவு 10 மாதத்தில் தெரியவரும் தானே..! 

Saturday, August 24, 2013

அரசியலுக்கு வரும் எண்ணமில்லை...

ரசிகர்கள் அரசியலில் ஈடுபட்டால் மன்றம் கலைப்பு - நடிகர் விஜய்


எனக்கு அரசியலுக்கு வரும் எண்ணம் இல்லை. மீறி என் ரசிகர்கள் அரசியலில் ஈடுபட்டால் மன்றத்தைக் கலைத்துவிடுவேன், என்று விஜய் அறிவித்துள்ளார். இனி ரசிகர் மன்ற விவகாரங்களில் தன் தந்தை எஸ்ஏ சந்திரசேகரன் ஈடுபடமாட்டார் என்றும் அவர் அறிவித்துள்ளார்.

 நடிகர் விஜய் சில ஆண்டுகளுக்கு முன் தன் ரசிகர் மன்றங்களை மக்கள் இயக்கமாக மாற்றினார். அதற்கென தனி கொடியையும் நயன்தாராவை வைத்து வெளியிட்டார். தொடர்ந்து ஆங்காங்கே நிகழ்ச்சிகள் நடத்தி மக்களுக்கு நலத்திட்ட உதவிகள் வழங்கினார். இலவசத் திருமண நிகழ்ச்சிகளும் நடத்தி வந்தார். 

திடீரென ஒரு நாள் ராகுல் காந்தியை டெல்லியில் சந்தித்துவிட்டு வந்து பிரஸ் மீட் வைத்து அறிவித்தார். ராகுல் காந்தியே தன்னை அழைத்ததாகக் கூறினார். ஆனால் ராகுல் காந்தியோ தான் யாரையும் அழைக்கவில்லை என்றும், அப்பாயின்ட்மென்ட் கேட்டு வந்ததால் விஜய்யைச் சந்தித்தேன் என்றும் கூறினார். 

தொடர்ந்து காவலன் படம் வெளியீட்டுக்கு அப்போதைய ஆளும்கட்சி திமுக முட்டுக்கட்டையாக இருப்பதாகக் கூறி பேட்டிகள் கொடுத்த விஜய், திடீரென ஒரு திருமணத்தில் அப்போதைய எதிர்க்கட்சித் தலைவர் ஜெயலலிதாவைச் சந்தித்து வணக்கம் வைத்தார். தொடர்ந்து தேர்தலின்போது அதிமுகவை ஆதரிப்பதாகக் கூறினார். 

போயஸ் தோட்டத்துக்குப் போய் ஜெயலலிதாவை தன் தந்தையுடன் சந்தித்தார். அதன் பிறகு நடந்ததெல்லாம் அனைவரும் அறிந்ததே.எல்லாம் நன்றாகத்தான் போய்க்கொண்டிருந்தது. நண்பன், துப்பாக்கி என இரு படங்கள் எந்த சிக்கலும் இல்லாமல் வெளியாகி, வசூலையும் கொடுத்தன. இந்த நேரத்தில் விஜய் பெரிய அளவில் அரசியலில் கால்பதிக்க திட்டமிட்டுள்ளதாக பேச்சுகள் கிளம்பின. 

அவர் தந்தை எஸ்ஏ சந்திரசேகரன் போகும் இடமெல்லாம் அப்படித்தான் பேசி வந்தார். ரசிகர் மன்ற விளம்பரங்களில் ஒரு பக்கம் முதல்வர் ஜெயலலிதாவின் படத்தைப் போட்டு புரட்சித் தலைவி அம்மா என்று குறிப்பிட்டிருந்த நிர்வாகிகள், அதற்கு எதிர்ப்பக்கம் எஸ் ஏ சந்திரசேகரன் படத்தைப் போட்டு புரட்சி இயக்குநர் அப்பா என குறிப்பிட்டிருந்தார்கள். இது அதிமுகவினரை மட்டுமல்ல, பார்த்த அனைவரையுமே முகம் சுழிக்க வைத்தது. நான் அண்ணாவைப் போன்றவன்.. 


என் மகன் எம்ஜிஆரைப் போன்ற ஆற்றல் மிக்கவன் என்று ஒரு கூட்டத்தில் பேசியிருந்தார் எஸ்ஏ சந்திரசேகரன். இந்த நேரத்தில் விஜய் நடிக்கும் படத்துக்கு தலைவா என்று தலைப்பிட்டு, அதற்குக் கீழே தலைமை ஏற்கும் நேரம் இது என ஆங்கில வாசகம் வைத்திருந்தார்கள். படத்தில் வரும் பாத்திரங்களில், விஜய்யின் அப்பாவாக வரும் சத்யராஜுக்கு பெயர் அண்ணா. அண்ணாவுக்குப் பிறகு விஜய் தலைமை ஏற்க வருவதுபோல காட்சிகள் வசனங்கள் வைத்திருந்தனர். 

இந்தப் படம் வெளியாக பட்ட பாடுகள் எல்லாம் வாசகர்களுக்கு நினைவிருக்கலாம். இந்த நிலையில்தான் நேற்று விஜய் திடீரென்று ஒரு அறிக்கை வெளியிட்டுள்ளார். அதில், "அரசியலுக்கு வரும் எண்ணம் எனக்கு இல்லை. தயவுசெய்து பேனர்களில் அரசியல் சம்பந்தப்பட்ட வசனங்களை போடவேண்டாம். அதையும் மீறி ரசிகர்கள் அரசியலில் ஈடுபட்டால், சம்பந்தப்பட்ட மன்றங்களை கலைக்கக்கூட தயங்க மாட்டேன். 

 இனி ரசிகர் மன்ற விஷயங்களில் நானே நேரடியாக ஈடுபடுவேன்.
 என் தந்தையோ, வேறு யாரோ மன்ற விஷயங்களில்  தலையிடமாட்டார்கள்". -இவ்வாறு அவர் குறிப்பிட்டுள்ளார். 

இந்த அறிக்கை ட்விட்டரில் வெளியாகியிருந்தது.

Thursday, August 22, 2013

நாளை முதல் டைம்பாஸ்...


நாளை முதல் டைம்பாஸ்...



Wednesday, August 21, 2013

கண்ணா மூணாவது லட்டு திண்ண ஆசையா? - யார் இந்த நடிகர்?



கோட் சூட் போட்ட அல்டிமேட் நடிகர் நடித்துக் கொண்டிருக்கும் படத்தில் கடவுள் நடிகரும் நடித்து வருகிறார். கடவுள் நடிகருக்கு ஜோடி களத்தில் ஆடிய டாப் நடிகை. ஷூட்டிங் சமயத்தில் எல்லாம் டாப் நடிகையுடன் தான் கடலையில் பொழுது போக்குகிறாராம் கடவுள் நடிகர். நைன் நடிகையுடன் காதல், யோகா டீச்சருடன் பார்ட்டியில் ஆட்டம், விரைவில் திருமணம் என ஏற்கனவே சார் ரொம்ப பிஸியோ பிசி. அம்மணியும் பார்ட்டி ப்ராளத்தில் சிக்கியவர் தான். இப்போது ஜாடிக்கேத்த மூடியா இருவரும் போடும் கடலையைப் பார்த்து, யூனிட்டில் உள்ளவர்கள் ‘கண்ணா மூணாவது லட்டு தின்ன ஆசையா..?' எனக் கிண்டலடிக்கிறார்களாம்.

Sunday, August 18, 2013

சிவகார்த்திகேயன் அப்படி செய்யலாமா?

ஒரு ஹீரோ, 'உங்களுக்கு கால்ஷீட் கண்டிப்பா தர்றேன்-. நடிக்க வரும்போது சம்பளம் ஃபிக்ஸ் பண்ணினா போதும்' என்று சொன்னால் அது தயாரிப்பாளருக்கு தரப்பட்ட ஃபேவர் இல்லை, ஃபீவர்! அப்படியொரு ஃபீவரைதான் உதயநிதிக்கு வரவழைத்திருக்கிறாராம் சிவகார்த்திகேயன்.



எதிர்நீச்சல் ஹிட் என்றதும் தனது பேனரில் ஒரு படத்தில் நடிக்க அழைப்பு விடுத்தாராம் உதயநிதி.

உடனடியாக ஓ.கே சொல்லிவிட்டார் சிவகார்த்திகேயன். அதற்கப்புறம் சம்பளம் பேசி அட்வான்ஸ் கைமாற வேண்டியதுதானே பாக்கி? ஆனால், நான் இப்போ மூணு படத்துல நடிச்சுட்டு இருக்கேன். அது ரிலீஸ் ஆன பிறகு சம்பளத்தை பேசிக்கலாமே என்றாராம் சிவகார்த்திகேயன்.

தற்போது சுமார் இரண்டு கோடி மட்டும் வாங்குகிற அவர், இந்த மூன்று படங்களும் வெளியான பின்பு நாலு கோடிக்கு தாவ மாட்டார் என்பது என்ன நிச்சயம்? உதயநிதியின் கவலை இதுதான்.
                                                     

பாம்பு தரைக்கும், தேரை தண்ணிக்கும் மாறி மாறி இழுத்துக் கொண்டிருக்க, புதுப்பட புராஜக்ட்டின் ரிசல்ட்? 'அது கெடக்கு போங்க'வாகிக் கொண்டிருக்கிறதாம் இப்போது.

கவுண்ட மணி பற்றிஅரிய சுவையான தகவல்

***கவுண்ட மணி பற்றிஅரிய சுவையான தகவல்…*** 


சுப்பிரமணி’யாக கவுண்டமணி பிறந்தது உடுமலைப் பேட்டைக்கு அருகில் உள்ள வல்லக் கொண்டபுரம்!.


கவுண்டமணிக்குப் பெரிய படிப்பெல்லாம் இல்லை.

ஆனால், பேச்சில் முற்போக்கான மேற்கோள்கள் தெறிக்கும்.

`பார்த்தால் காமெடியன், படிப்பில் அறிவாளி’ என்பார் இயக்குநர் மணிவண்ணன்!


பாரதிராஜாதான் `கவுண்டமணி’ எனப் பெயர் மாற்றினார்.

`16 வயதினிலே’ தான் அறிமுகப் படம்!

அம்மாவை `ஆத்தா’ என்று தான் ஆசையாக அழைப்பார்.

வீட்டைத் தாண்டினால் ஆத்தா காலடியில் கும்பிட்டு விட்டுத்தான் நகர்வார்.

மனைவி பெயர் சாந்தி. இரண்டு மகள்கள். செல்வி, சுமித்ரா. முதல் பெண்ணின் திருமணத்தின்போதுதான் அவருக்கு இரண்டு குழந்தைகள் என்கிற விவரமே தெரிய வந்தது.

அவ்வளவு தூரம் மீடியா வெளிச்சம் படாமல் இருப்பார்!·

மிகப் பிரபலமான கவுண்டமணி –செந்தில் கூட்டணி இணைந்தே 450 படங்களுக்கு மேல் நடித்து இருக்கிறார்கள். இது ஓர் உலக சாதனை!

இவர் மட்டுமே 750 படங்களுக்கு மேல் நடித்திருக்கிறார்.

இதில் ஹீரோவாக மட்டும் நடித்த படங்கள் 12.
கவுண்டமணிக்குப் பிடித்த நிறம் கறுப்பு . எந்நேரமும் அந்த நிறம் சூழ இருந்தால்கூட `சரி’ என்பார். `இங்கிலீஷ் கலருடா ப்ளாக்!’ என்பவர், எங்கே போவதென்றாலும் ஜீன்ஸ்–கறுப்பு நிற பனியன் அணிந்துதான் செல்வார்!

உணவு வகைகளில் ரொம்பக் கண்டிப்பு, `பசி எப்போதும் அடங்காத மாதிரியே சாப்பிடுங்கப்பா’ என நண்பர்களுக்கு அறிவுறுத்துவார். பக்கா சைவம்!·

சினிமா உலகில் அவருக்குப் பெரிய நட்பு வட்டம் கிடையாது. ஆனாலும் சத்யராஜ், அர்ஜீன், கார்த்திக் ஆகிய மூவரிடமும் நெருக்கமாகப் பழகுவார்!


கவுண்டமணிக்குப் பிடித்த நகைச்சுவை நடிகன் சுருளிராஜன்தான். அவரின் நகைச்சுவைபற்றி அவ்வளவு பெருமிதமாகப்பேசுவதைக் கேட்டு கொண்டே வயிறு வலிக்கச் சிரித்து வரலாம்!

புகைப் பழக்கம் அறவே கிடையாது. 



வெளியே விழாக்கள், பார்ட்டிகள், பிறந்த நாள் நிகழ்ச்சிகள் என எதிலும் கலந்துகொள்கிற வழக்கம் கிடையாது தனிமை விரும்பி!

கவுண்டமணி தி.நகர் ஆபீஸீக்குப் போனால் சின்ன வயதுக்காரராக இருந்தாலும் எழுந்து நின்று கைகூப்பி வணக்கம் சொல்வார்.

நாம் அமர்ந்து பிறகுதான் அவர் உட்கார்ந்து பேச்சை ஆரம்பிப்பார்!
· கவுண்டருக்கு எந்தப்பட்டங்களும் போட்டு கொள்ளப் பிடிக்காது.

`என்னடா, சார்லி சாப்ளின் அளவுக்கா சாதனை பண்ணிட்டோம், அவருக்கு பட்டம் கிடையாதுடா!’
என்பார்.

சாமியார்களைப் பயங்கரமாகக் கிண்டல் செய்வார், `மனிதனாகப் பிறந்தவர்களைத் தெய்வமாகச் சித்தரிப்பது ஏமாற்று வேலை’ என்பார். நமக்கும் கடவுளுக்கும் சாமியார்கள் மீடியேட்டரா எனச் சாட்டை வீசுவார்.!

கவுண்டருக்கு, அவர் நடித்ததில் பிடித்த படங்கள் `ஒண்ணா இருக்கக் கத்துக்கணும்’ `வரவு எட்டணா செலவு பத்தணா’, `நடிகன்’,

அட… என்னடா பெருசா நடிச்சுப்புட்டோம், மார்லன் பிராண்டோவா நானு’ என சுய எள்ளலும் செய்துகொள்வார்!

`மறக்கவேண்டியது நன்றி மறந்தவர்களை, மறக்கக் கூடாதது உதவி செய்தவர்களை’ என அடிக்கடி குறிப்பிடுவார்.

ஒருவரை எதிரி என நினைத்துவிட்டால் அவர்களை அப்படியே புறக்கணித்துவிடுவார்.

ஆனால், நண்பர்கள் கோபித்தாலும், அவரே சமாதானத்துக்குப் போவார்!

சமீபத்தில் மாரடைப்பு ஏற்பட்டு மருந்துவமனையில் சேர்ந்து, சிகிச்சைக்குப் பிறகுகுணமானார் கவுண்டர்.
அப்போது மருந்துவமனைக்கு உலகம் முழுவதிலும் இருந்து வந்த போன் கால்கள், இ-மெயில்கள் கணக்கில் அடங்காதவை. அதைப்பற்றிப் பேசினால் சிரிப்பு அரசனின் கண்களில் நீர் சுரக்கும்!

ஒரே ஒரு தடவைதான் விகடனில் மிக நீண்ட பேட்டி ஒன்று அளித்திருக்கிறார்.

மற்றபடி பேட்டி, தொலைக்காட்சி நேர்காணல் என எதிலும் தலை காட்டியது இல்லை!


நன்றி : பறையோசை

Saturday, August 17, 2013

விஜய் மீது ஏன் யாருக்கும் அனுதாபம் வரவில்லை ?



விஸ்வரூபம் திரைப்படத்துக்கு சிக்கல் வந்தபோது, பெரும்பாலானோருக்கு கமல் மீது ஒரு அனுதாபம் இருந்தது. ஆனால், எது சிக்கல் என்றே தெரியாமல் முழித்துக் கொண்டிருக்கும் விஜய் மீது ஏன் அவர் ரசிகர்களைத் தவிர யாருக்குமே அனுதாபம் இல்லை... ?

2007ம் ஆண்டு. விஜய் டிவியில் வரும் லொள்ளு சபா நிகழ்ச்சியை பார்த்து ரசிக்காதவர்கள் யாருமே இருக்க முடியாது. பல திரைப்படங்களை ரசிக்கும் வகையில் கலாய்ப்பார்கள். அப்படி பல படங்களை கலாய்த்து பெரிய நடிகர் ஆனவர்தான் சந்தானம். சந்தானம் திரைத்துறைக்கு சென்றதையடுத்து, அவர் இடத்தில் லொள்ளு சபாவில் நடித்தவர் நடிகர் ஜீவா. விஜயின் போக்கிரி படத்தை பேக்கரி என்ற பெயரில் லொள்ளு சபா நிகழ்ச்சியில் செம்மையாக கலாய்த்தார். இணைப்பு




நடிகர் விஜய்க்கும் அவர் தந்தை சந்திரசேகருக்கும் இது பிடிக்கவில்லை. உடனே தமிழகம் முழுக்க விஜய் டிவியை கண்டித்து சுவரொட்டிகள் ஒட்டினர். பயந்து போன விஜய் டிவி நிர்வாகம், நடிகர் விஜயிடம் மன்னிப்பு கேட்டது. அது தொடர்பாக ஒரு ஸ்லைடையும் நிகழ்ச்சி நடுவே ஒளிபரப்பியது. இது முதல் சம்பவம்.

திரைப்படம் தொடர்பாக விஜய் டிவி நீயா நானா நிகழ்ச்சியில் நடந்த விவாதத்தின்போது, பார்வையாளர் ஒருவர் விஜய் படத்தில் கதையே இல்லை... அரைச்ச மாவையே அரைக்கிறார்கள் என்று சொன்னார். உடனே விஜய் ரசிகர்களை தூண்டி விட்ட விஜய்யும் அவர் தந்தையும், ரசிகர்களை விட்டு, விஜய் டிவிக்கு கடிதங்கள் மற்றும் தொலைபேசி மூலமாக மிரட்டல் விடுத்தார்கள். இதையடுத்து நீயா நானா நிகழ்ச்சியில் கோபிநாத், விஜய் மனதை புண்படுத்தியதற்காக மன்னிப்பு கேட்டார். இணைப்பு





ஒரு நடிகர் என்ற வகையில் தன்னை யாரும் கிண்டல் செய்வதைக் கூட பொறுத்துக் கொள்ள முடியாத நடிகர் விஜய் என்ன அவ்வளவு பெரிய அப்பாடக்கரா ? அவ்வளவு பெரிய அப்பாடக்கர் என்று தன்னை விஜய் மற்றும் அவர் தந்தை நினைத்துக் கொண்டதால்தான் இன்று தலைவா படத்தை வெளியிட முடியாமல் கையை பிசைந்து கொண்டு நிற்கிறார்கள். இவர்களின் கையறு நிலையைப் பார்த்து யாருக்கும் பரிதாபம் வரவில்லை... மாறாக நல்லா வேணும் என்ற எண்ணமே பெரும்பாலானோருக்கு இருக்கிறது..... நான் அடிச்சா தாங்க மாட்ட நாலு மாசம் தூங்க மாட்ட என்றும், நான் புறா இல்லடா சுறா என்றும் பன்ச் டயலாக் பேசிய விஜய், "நானும் எங்கள் யூனிட்டும் ஆடிப்போயிருக்கிறோம், அதிர்ச்சியில் இருக்கிறோம்" என்று பேசி வீடியோ வெளியிடுகிறார். மாண்புமிகு அம்மா அவர்கள் தமிழகத்தையே முதல் மாநிலமாக கொண்டு வர வேண்டும் என்று முயற்சி செய்து வருகிறார்கள் என்று பேசுகிறார். (அதுவும் ஒரு வகையில் உண்மைதான். இந்தியாவிலேயே தமிழகத்தில்தான் முதன் முறையாக ஒரு திரைப்படம் நேரடியாக தொலைக்காட்சியில் ரிலீசாகப் போகிறது.) தமிழக முதல்வர் இதில் தலையிட்டு படத்தை ரிலீஸ் செய்ய வேண்டும் என்று கெஞ்சுகிறார்.
இணைப்பு



இவருக்கு படம் எப்படி முக்கியமோ அது போலத்தானே தொலைக்காட்சி நிகழ்ச்சி நடத்துபவர்களுக்கு அந்த நிகழ்ச்சிகளும் ? அவர்களை மிரட்டி மன்னிப்புக் கேட்கச் செய்தபோது உங்களுக்கு அவர்களின் வலி என்னவென்று தெரியுமா ? இப்போது புரிந்து கொள்ளுங்கள்.

ஆதலால் காதல் செய்வீர்...



விளையாட்டு காதல், கருவாகி சாதியால், அரசியலால் சித்ரவதைப்பட்டு எப்படி அனாதைகளை உருவாக்குகிறது என்பதை தமிழ்நாட்டில் தற்போது நடக்கும் சாதீய காதலோடு யதார்த்தமாக சொல்ல வரும் படம்தான் ‘ஆதலால் காதல் செய்வீர்’.
நாயகி மனிஷாவிடம் நண்பனாக பழகிவரும் நாயகன் சந்தோஷ், மனிஷாவை ஒருதலையாய் காதலிக்கிறார். ஒருகட்டத்தில் தன் காதலை மனிஷாவிடம் நாயகன் சொல்ல, முதலில் மறுக்கும் மனிஷா, பிறகு அவரை காதலிக்க ஆரம்பிக்கிறார். இவர்களுடைய காதல் இருவர் வீட்டுக்கும் தெரியாமல் நாளொரு மேனியும் பொழுதொரு வண்ணமுமாக வளர்கிறது. மாமல்லபுரம் சென்று ஒருநாள் இருவரும் தனிமையில் இருக்கிறார்கள். இதனால், மனிஷா கர்ப்பமாகிறாள்.
இந்த விஷயம் வீட்டுக்குத் தெரியாமல் நண்பர்கள் உதவியுடன் அந்த கருவை கலைக்க முயற்சி செய்கின்றனர். ஆனால், அது முடியாமல் போகவே, இருவருடைய பெற்றோர்களுக்கும் இந்த விஷயம் தெரிய வருகிறது.
இவர்கள் ஒன்று சேர முதலில் சந்தோஷின் சாதியும், அவனுடைய சாதியைச் சேர்ந்தவர்களும் தடையாக வருகிறார்கள். சந்தோஷின் அப்பா அரசியலில் பெரும் செல்வாக்குடன் இருப்பதால் மனிஷாவின் பெற்றோர்களுக்கு மிரட்டல் விடுக்கின்றனர்.
இதிலிருந்து தப்பித்து, இவர்களின் காதல் வெற்றி பெற்றதா? இருவரும் வாழ்க்கையில் ஒன்று சேர்ந்தார்களா? மனிஷாவின் வயிற்றில் உருவான கரு என்னவாயிற்று? என்பதே மீதிக்கதை.
சந்தோஷ், இன்றைய சூழலில் வாழும் யதார்த்தமான வாலிபனுக்குரிய தோற்றத்தில் அழகாக இருக்கிறார். ரொமான்ஸ் காட்சிகளில் அசத்தியிருக்கிறார். மனிஷா அட்டகாசமாக நடித்துள்ளார். இவரது நளினமான காதல் மிளிர்ச்சியும், ஆவேசமான பார்வையும் ரசிக்க வைக்கிறது.
மனிஷாவின் அப்பாவாக வரும் ஜெயப்பிரகாஷ் தனது சிறப்பான நடிப்பை வெளிப்படுத்தியிருக்கிறார். தன் மகள் களங்கப்பட்டு நிற்கும் போது கண்கலங்கி நம்மையும் கண்கலங்கச் செய்கிறார். சந்தோஷின் அம்மாவாக வரும் பூர்ணிமா பாக்கியராஜ் நடிப்பதற்கான வாய்ப்பு குறைவே. அதேநேரத்தில் மனிஷாவின் அம்மாவாக நடித்துள்ள துளசி அன்பு, ஆவேசம் என இரண்டும் கலந்த கலவையாக நடிப்பில் பின்னியெடுத்திருக்கிறார்.
முதல்பாதியில் கல்லூரி காதல், நகைச்சுவை என படம் ஆரம்பித்து, படிப்படியாக தமிழகத்தின் சாதீய காதலை கையில் எடுத்து, படம் பார்ப்பவர்களுக்கு மிகப்பெரிய கேள்விக்குறியை ஏற்படுத்தியிருக்கிறார் இயக்குனர் சுசீந்திரன். ஆனால், கிளைமாக்ஸில் நாம் நினைத்ததைவிட வேறுவிதமாய் முடித்திருப்பதில் சிகரம் தொடுகிறார் இயக்குனர்.
படத்தின் தலைப்பை வைத்து இயக்குனரை எடைபோட முடியாது. சமூக அவலங்களை நையாண்டியுடன் குண்டூசியால் குத்திக் காட்டி, இன்றைய கால சூழலில் வாழும் காதலர்களுக்கு பாடம் புகட்டுகிறார்.
யுவன் சங்கர் ராஜா இசையில், பாடல்களும், பின்னணி இசையும் தாலாட்ட வைக்கிறது. மறைந்த கவிஞர் வாலி எழுதிய ‘தப்புத்தாண்டா’ பாடல் வரிகள் துள்ளல் போட வைக்கிறது. சூர்யாவின் ஒளிப்பதிவு, படத்துக்கு மேலும் வலுசேர்த்திருக்கிறது. பெரும்பாலான காட்சிகள் இவருடைய ஒளிப்பதிவில் மெருகு ஏறியிருக்கிறது.
மொத்தத்தில் ‘ஆதலால் காதல் செய்வீர்’ படம் அல்ல பாடம்.

Thursday, August 15, 2013

தமிழ்சினிமா கண்டெடுத்த காதலன்!

தமிழ்சினிமா நாயகிகள் பொறுக்கி பையன்களை காதலிக்கிற பழக்கம் எப்போது தொடங்கியது என்று தெரியவில்லை. எம்ஜிஆர் போல நல்லவனாகவோ சிவாஜிபோல எமஷோனலாகவோ இருந்தால் நாயகிகள் விரும்புவதில்லை. அட ரஜினிபோல ஸ்டைலாகவோ கமல்போல ரொமான்டிக்காக இருந்தாலும் கூட நாயகிகள் ரசிப்பதில்லை.



எப்போதும் குடித்துவிட்டு, தாடியோடு கையில் சிகரட்டோடு, போதையில் புரள்கிறவனை, அஞ்சு பைசா சம்பாதிக்க வக்கில்லாமல் ஊரை ஏமாற்றி ரவுடித்தனம் செய்து பிழைக்கிறவனை, காசுக்காக தாய்தந்தையரையே உதைக்கிற முட்டாள்களைத்தான் தமிழ்சினிமா நாயகிகளுக்கு கடந்த சில ஆண்டுகளாக மிகவும் பிடிக்கிறது.

நிறைய சங்கறுப்பதும் பலபேருடைய குடியைகெடுப்பதும் கூட காதலுக்கு க்வாலிபிகேஷன் ஆகியிருக்கிறது. குடிபொடிபீடி பழக்கங்களில்லாத சாஃப்ட் பாத்திரங்கள் காமெடியர்களாக டம்மிபீஸுகளாகவும் சித்தரிக்கப்படுகின்றனர். அவர்களுடைய காதல் எப்போதும் நிறைவேறுவதேயில்லை.

இப்படி போதையில் திளைக்கிற நம் நாயக தியாக புண்ணிய ஆத்மாக்களுக்காக தன் உயிரையும் தியாகம் செய்ய துணிகிறார்கள் தமிழ்சினிமா காதலிகள்.

தன்னுடைய தாய்தந்தையரையும் தூக்கிப்போட்டு மிதிக்கிற அளவுக்கு அவர்களுக்கு காதல் மீது பற்றும் அன்பும் இருக்கிறது. இதுபோன்ற காட்சிகளை கொண்ட படங்கள் கடந்த பத்தாண்டுகளில் குறைந்தது நூறாவது வந்திருக்கும்.. நூறு என்பது குறைவான எண்ணிக்கையே.. இதைவிடவும் அதிகமாக இருக்கலாம்.

இப்படிப்பட்ட படங்களே நூறுநாட்கள் ஓடி கோடிகளை குவிக்கிறது. சமீபத்தில் வெளியான குட்டிபுலிவரை இதே கதைதான். இதே கான்செப்டில் இன்னும் நாலு டஜன் படங்கள் கோலிவுட்டில் உற்பத்தியாகிக்கொண்டிருக்கின்றன.

சமீபத்தில் தொலைகாட்சியில் ஒரு இயக்குனர் தன்னுடைய மகள் நல்லவனை காதலித்திருந்தால் சேர்த்துவைத்திருப்பேன் என்று கதறி அழுதுகொண்டிருந்தார். அவரை தேற்றிக்கொண்டிருந்தவர் அமீர் என்கிற இயக்குனர்.

பருத்திவீரன் என்கிற படத்தின் மூலமாக காதலுக்கு மரியாதை செலுத்தியவர் இவர் என்பது இங்கே குறிப்பிடத்தக்கது. அந்தகாலத்து நம்பியார் வீரப்பாவை விட மோசமான வில்லனை நாயகனாக்கி அழகு பார்த்தவர். அப்படிப்பட்ட மோசக்காரனுக்காக தன் உயிரையும் தியாகம் பண்ணின காதலியாக ப்ரியாமணி சிறப்பாக நடித்திருப்பார்.

அமீரைப்போலவே அதேபாணியில் குடிகார காமவெறி காதலன்களை முன்னிறுத்தி படமெடுத்த வேறு சில இயக்குனர்களையும் பார்க்க முடிந்தது. எல்லாருமே காதலை பிரிக்க போராடிக்கொண்டிருந்தனர். பார்க்கவே பாவமாக இருந்தது.

பத்திரிகை செய்திகளின் மூலம் தெரிந்துகொண்டது என்னவென்றால் அந்த அப்பா இயக்குனரின் மகளின் காதலன் நிறைய குடிப்பாராம் பல பெண்களோடு தொடர்புள்ளவராம். வேலைவெட்டிக்கு போகமாட்டாராம். இப்படியொரு மாப்பிள்ளை கிடைக்க அந்த இயக்குனர் கொடுத்துவைத்திருக்க வேண்டுமே! ஏன் எதிர்க்கிறார்கள் என்பதுதான் விளங்கிவில்லை.

போகட்டும். தமிழ்சினிமா கண்டெடுத்த முத்தாக அந்த காதலனை பார்க்கிறேன். அவருடைய காதலை வாழவையுங்கள் பெரியோர்களே தாய்மார்களே!