வருகை தந்த அனைவருக்கும் என் மனமார்ந்த நன்றிகள். எங்களது பதிவுகள் தொடர்பான உங்கள் கருத்துகளையும், வாக்குகளையும் எதிர் பார்க்கிறேன். நன்றி மீண்டும்வருக.

This is default featured slide 1 title

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

This is default featured slide 4 title

Go to Blogger edit html and find these sentences.Now replace these sentences with your own descriptions.

This is default featured slide 5 title

Go to Blogger edit html and find these sentences.Now replace these sentences with your own descriptions.

Showing posts with label கிரிக்கெட். Show all posts
Showing posts with label கிரிக்கெட். Show all posts

Saturday, November 23, 2019

பிங்க் பால் டெஸ்ட்டின் போது ரசிகர்களுடன் கங்குலி வெளியிட்ட புகைப்படம்!

இந்தியாவில் பிங்க்-பால் டெஸ்டின் முன்னோடியான பிசிசிஐ தலைவர் சவுரவ் கங்குலி வரலாற்று நிகழ்வில் ஈடன் கார்டனில் ரசிகர்களின் ஆதரவை ஒரு ட்விட் மூலம் ஒப்புக் கொண்டார். கொல்கத்தா இளவரசர் என்று அன்பாக அழைக்கப்படும் சவுரவ் கங்குலி, ஈடன் கார்டன் பார்வையாளர்களுடன் ஒரு செல்ஃபி எடுத்து ஒரு செய்தியுடன் ட்விட் செய்தார். "இளஞ்சிவப்பு சோதனைக்கு ஈடனில் மிகப்பெரிய சூழ்நிலை" என்று கங்குலி ட்விட் செய்துள்ளார்.

பிசிசிஐ தலைவராக பதவியேற்ற உடனேயே கங்குலி பங்களாதேஷ் கிரிக்கெட் வாரியத்திற்கு (பிசிபி) கோரிக்கை விடுத்தார். கங்குலி முன்வைத்த திட்டத்தை பிசிபி ஏற்றுக்கொண்டது, இதன் விளைவாக இந்தியாவும் பங்களாதேஷும் தங்கள் முதல் இளஞ்சிவப்பு பந்து டெஸ்டில் விளையாடுகின்றன.

ஆஸ்திரேலியா, ஐக்கிய அரபு எமிரேட்ஸ், இங்கிலாந்து, தென்னாப்பிரிக்கா, நியூசிலாந்து மற்றும் மேற்கிந்திய தீவுகள் அணிகளுக்குப் பிறகு பகல்-இரவு டெஸ்டை நடத்தும் ஏழாவது நாடாக இந்தியா ஆனது.

ஆஸ்திரேலியா ஐந்து முறை பிங்க்-பந்து டெஸ்ட்களை நடத்தியது, ஐக்கிய அரபு அமீரகம் இரண்டு முறை நடத்தியது. மற்ற அனைத்து நாடுகளும் தலா ஒரு முறை பிங்க்-பந்து டெஸ்டுக்கு விருந்தினராக விளையாடியுள்ளன.

நவம்பர் 2015ல் அடிலெய்ட் ஓவலில் ஆஸ்திரேலியா மற்றும் நியூசிலாந்து முதல் இளஞ்சிவப்பு பந்து டெஸ்டில் விளையாடியதில் இருந்து இதுவரை 11 பகல்-இரவு டெஸ்ட் உலகளவில் விளையாடப்பட்டுள்ளது.

Tuesday, April 3, 2012

பரீட்சைய விட இவங்களோட பேட்டிங் பவுலிங் பெருசாப் போச்சே( ஐபிஎல் 5 )

கொல்கத்தாவில் குழாய் ஒலிபெருக்கிகளை பயன்படுத்த நீதிமன்றம் அனுமதி....


கொல்கத்தா ஈடன் கார்டன் மைதானத்தில் ஐபிஎல் போட்டிகள் நடைபெறும் போது, 90 டெசிபலுக்கு மிகாமல் ஒலி பெருக்கியை பயன்படுத்தி கொள்ள உயர்நீதிமன்றம் அனுமதி அளித்துள்ளது.


மேற்கு வங்காளத்தில் அரசு பொதுத் தேர்வுகள் துவங்குவதற்கு 3 நாட்களுக்கு முன்பும், தேர்வு முடியும் வரையிலும், மாநிலத்தின் முக்கிய பகுதிகளில் ஒலி பெருக்கி மற்றும் மைக்ரோபோன்கள் பயன்படுத்த மேற்கு வங்காள மாசு கட்டுப்பாட்டு வாரியம் தடை விதித்தது.


இந்த நிலையில் இத்தடை உத்தரவை எதிர்த்து கொல்கத்தா நைட் ரைடர்ஸ் அணி, கொல்கத்தா உயர்நீதிமன்றத்தில் வழக்கு தொடர்ந்தது. நீதிபதிகள் பி.கே.ரே, தீபன்கர் துத்தா ஆகியோர் முன்னிலையில் நேற்று இவ்வழக்கு விசாரணைக்கு வந்தது.


விசாரணை முடிவில் ஐபிஎல் போட்டிகளின் போது, கொல்கத்தா நைட் ரைடர் அணியினர் 90 டெசிபல் அளவுக்கு மிகாமல் ஒலி பெருக்கியை பயன்படுத்த நீதிமன்றம் அனுமதி அளித்து உத்தரவிட்டது.


பரீட்சைய விட இவங்களோட பேட்டிங் பவுலிங் பெருசாப் போச்சே...

Saturday, February 18, 2012

யுவராஜ்க்கு அமெரிக்காவில் சிகிச்சை...


முதல் கீமோதெரபி சிகிச்சைப் பிறகு புற்றுநோய்க் கட்டி பெருமளவில் குணமடைந்துவிட்டதாக இந்திய கிரிக்கெட் வீரர் யுவராஜ் சிங் தெரிவித்துள்ளார்.

நுரையீரல் புற்றுநோய்க்காக அமெரிக்காவின் பாஸ்டனில் உள்ள புற்றுநோய் ஆராய்ச்சி மையத்தில் சிகிச்சை பெற்று வரும் அவர், டுவிட்டர் பக்கத்தில் வியாழக்கிழமை கூறியிருப்பது:

டாக்டர் லாரன்ஸிடம் இருந்து வியாழக்கிழமை நல்ல செய்தி கிடைத்தது. என்னுடைய ஸ்கேன் அறிக்கையை பார்த்துவிட்டு புற்றுநோய்க்கட்டி பெருமளவில் குறைந்துவிட்டதாகத் தெரிவித்தார். 2-வது கட்ட கீமோதெரபி சிகிச்சை தொடங்கிவிட்டது என்று குறிப்பிட்டுள்ளார்.

இதேபோல் அமெரிக்க சைக்கிள் வீரர் லான்ஸ் ஆம்ஸ்ட்ராங் அனுப்பிய செய்தி, தனக்கு மிகப்பெரிய உந்துதலாக இருந்ததாகவும் அவர் குறிப்பிட்டுள்ளார். கடந்த ஆண்டு நடைபெற்ற உலகக் கோப்பை கிரிக்கெட் போட்டியில் 362 ரன்களைக் குவித்த யுவராஜ் சிங், 15 விக்கெட்டுகளையும் வீழ்த்தி ஆட்டநாயகன் விருதைத் தட்டிச் சென்றார். 2000-ம் ஆண்டில் அறிமுகமான அவர், இதுவரை 274 ஒருநாள் போட்டிகளில் விளையாடி 8,051 ரன்கள் குவித்துள்ளார்.

Wednesday, October 19, 2011

பிரகாஷ் ராஜ் படத்தில் நடிக்கிறார் டோணி!



பிரகாஷ் ராஜின் புதிய படத்தில் இந்திய கிரிக்கெட் அணியின் தலைவர் மகேந்திர சிங் டோணி நடிக்கிறார்.




இந்தப் படத்துக்குப் பெயரே டோணி என்றுதான் வைக்கப்பட்டுள்ளது.இந்தப் படத்தை இயக்குபவரும் பிரகாஷ் ராஜ்தான். இதன் படப்பிடிப்பு புதுச்சேரியில் விறுவிறுப்பாக நடக்கிறது. தமிழ், தெலுங்கு மொழிகளில் தயாராகும் இப்படம் குறித்து பிரகாஷ்ராஜ் கூறியதாவது:குழந்தைகள் மனநிலையை மையப்படுத்தி டோனி படம் தயாராகிறது. தேர்வுக்காக குழந்தைகள் கஷ்டப்பட்டு படிக்கின்றனர்.



பெற்றோரும் அவர்களை அதிக மதிப்பெண் பெற நிர்ப்பந்திக்கின்றனர். குழந்தைகளின் தனிப்பட்ட திறமைகளை வெளிக் கொண்டுவரும் கல்விமுறை நம்மிடம் இல்லை. குழந்தைகளை பெற்றோர் கட்டாயப்படுத்தக் கூடாது. சமூகத்துக்கு இப்படம் சில கருத்துக்களை சொல்லும். ஆகாஷ், ராதிகாஆப்தே, தலைவாசல் விஜய், நாசர், பிரம்மானந்தம் ஆகியோர் நடிக்கின்றனர்.



கே.பி.குகன் ஒளிப்பதிவு செய்கிறார்.

இளையராஜா இசை அமைக்கிறார்.

பிரபுதேவா எனக்கு நெருங்கிய நண்பர்.

அவர் இப்படத்தில் கவுரவ தோற்றத்தில் தோன்றுகிறார்.

ஒரு பாடல் காட்சியில் வருகிறார்.

இந்த வருடம் இறுதியில் படத்தை ரிலீஸ் செய்ய திட்டமிட்டுள்ளோம்," என்றார்.



இந்தப் படத்தில் கிரிக்கெட் வீரர் டோணியும் கவுரவ தோற்றத்தில் தோன்றப் போகிறாராம். இதுகுறித்து பிரகாஷ்ராஜிடம் கேட்டபோது, படத்தில் ஒரு சர்ப்ரைஸ் இருக்கு. அதை பின்னர் சொல்கிறேன் என்று கூறினார்.

Tuesday, July 19, 2011

டோனியின் பேட் 72 லட்சத்திற்கு ஏலம்!

உலகக் கோப்பைப் போட்டியின் இறுதி ஆட்டத்தில் கேப்டன் டோனி பயன்படுத்திய அவரது பேட் ரூ. 72 லட்சத்துக்கு ஏலம் போயுள்ளது.


 அவரது அறக்கட்டளைக்கு நிதி சேகரிப்பதற்காக இந்த ஏலம் நடத்தப்பட்டது. இந்த பேட்டை வைத்துத்தான் இலங்கைக்கு எதிராக ஏப்ரல் மாதத்தில் நடந்த உலகக் கோப்பை இறுதிப்போட்டியில் 91 ரன்களைக் குவித்து இந்தியாவுக்கு பெரும் வெற்றியைத் தேடித் தந்தார் டோனி என்பது குறிப்பிடதக்கது. 
இதே ஏலத்தில் டோணி மற்றும் சச்சின் டெண்டுல்கரின் சாதனைகளைக் கெளரவிக்கும் வகையில், உலகப் புகழ் பெற்ற கலைஞர் சச்சா ஜாப்ரி உருவாக்கிய கலைப்படைப்பும் ஏலத்தில் விடப்பட்டது. சமூகத்தில் பொருளாதார ரீதியில் மிகவும் பின் தங்கியுள்ள பகுதிகளைச் சேர்ந்த இளைஞர்கள், இளஞ்சிறார்கள் மத்தியில் கிரிக்கெட் ஆர்வத்தை ஊக்குவிக்கும் வகையில் இந்த அறக்கட்டளை செயல்படும் என்றார் டோனி தெரிவித்தார்.

Wednesday, July 6, 2011

சுழற்பந்து வீச்சாளர் சுப்பையா புதிய உலக சாதனை...


டி-20 போட்டியில் சோமர்செட் சுழற்பந்து வீச்சாளர் சுப்பையா புதிய உலக சாதனை


கிரிக்கெட் உலகுக்கு இன்னொரு தமிழ் சூறாவளி கிடைத்து விட்டது. இலங்கையின் முத்தையா முரளீதரனின் திறமைகளை அப்படியே தன் வசம் வைத்துள்ள இங்கிலாந்தின் சோமர்செட் கவுன்டி கிரிக்கெட் அணியின் சுழற்பந்து வீச்சாளர் அருள் சுப்பையா, 5 ரன்களை மட்டுமே கொடுத்து 6 விக்கெட்களை வீழ்த்தி டுவென்டி 20 கிரிக்கெட் வரலாற்றில் புதிய உலக சாதனை படைத்துள்ளார்.


உலக அளவில் தமிழர்களை தலை நிமிர வைத்த, பெருமை கொள்ளச் செய்த பந்து வீச்சாளர் இலங்கையின் முத்தையா முரளீதரன். இப்போது அவர் ஓய்வு பெற்று விட்டார். இந்த நிலையில் முத்தையாவை அப்படியே உரித்து வைத்தது போன்ற ஒரு சுழற்பந்து தமிழர் கிரிக்கெட் உலகுக்குக் கிடைத்துள்ளார்.சூப்பர் சுப்பையா என்று அவரை கிரிக்கெட் உலகமே கொண்டாடத் தொடங்கியுள்ளது. அப்படி என்ன செய்தார் இந்த சுப்பையா? டுவென்டி 20 கிரிக்கெட் வரலாற்றில் மிகக் குறைந்த ரன்களைக் கொடுத்த அதிக விக்கெட்களை வீழ்த்திய உலக சாதனையை சுப்பையா படைத்துள்ளார்.சோமர்செட் அணிக்காக ஆடி வரும் சுப்பையா, கார்டிப்பில் நடந்த கிளாமர்கானுக்கு எதிரான டுவென்டி 20 போட்டியில், ஐந்தே ஐந்து ரன்களை மட்டுமே கொடுத்து 6 விக்கெட்களை அள்ளி அனைவரையும் அதிசயிக்க வைத்துள்ளார்.

Arul Suppiah
முதலில் பேட் செய்த கிளாமர்கான் அணியை, சுப்பையாவின் சுழற்பந்து சூறாவளி நிலை குலையச் செய்து விட்டது.அட்டகாசமாக பந்து வீசிய சுப்பையா 98 ரன்களில் கிளாமர்கானை சுருட்டி விட்டார். இதற்கு முன்பு கடந்த 2008ம் ஆண்டு மே மாதம் ஜெய்ப்பூரில் சென்னை சூப்பர் கிங்ஸ் அணிக்கும், ராஜஸ்தான் ராயல்ஸ் அணிக்கும் இடையே நடந்த போட்டியில் ராஜஸ்தான்அணியின் சொஹைல் தன்வீர் 14 ரன்களைக் கொடுத்து 6 விக்கெட் வீழ்த்தியதே உலக சாதனையாக இருந்து வந்தது.

 தற்போது அதை தவிடுபொடியாக்கி விட்டார் சுப்பையா.இந்தப் போட்டியில் மற்ற நான்கு விக்கெட்களை இந்திய சுழற்பந்து வீச்சாளர் முரளி கார்த்திக் மற்றும் மேக்ஸ் வாலர் ஆகியோர் எடுத்தனர். பத்து விக்கெட்களையும் சுழற்பந்து வீச்சாளர்களே வீழ்த்தியதும் ஒரு புதிய வரலாறாகும்.

புதிய சாதனை படைத்துள்ள சுப்பையா, கோலாலம்பூரில் பிறந்த தமிழர். தற்போது இங்கிலாந்தில் குடியேறி சோமர்செட்டுக்காக ஆடி வருகிறார்.

27 வயதான சுப்பையா, தனது 1வது வயதில் சோமர்செட்டுக்காக ஆட ஆரம்பித்தார் என்பது வியப்புக்குரியதாகும். அந்த அணிக்காக தற்போது 10வது சீசனில் அவர் பங்கேற்றுள்ளார்.

Wednesday, May 4, 2011

கங்குலி வந்துவிட்டார் - இனி பூனேவின் ஆட்டம் அனல் பறக்கப்போகிறது!!!

டெல்லி: ஐபிஎல்லின் எந்த அணியாலும் தேர்வு செய்யப்படாமல் திராட்டில் விடப்பட்ட முன்னாள் கேப்டன் செளரவ் கங்குலி நடப்பு ஐபிஎல் தொடரில் ஆடும் வாய்ப்பை பெற்றுள்ளார். புனே வாரியர்ஸ் அணியில் இணைந்து அவர் ஆடவுள்ளார்.
Ganguly
நடப்பு ஐபிஎல் தொடருக்கு முன்பு நடந்த வீரர்கள் ஏலத்தின்போது கங்குலியை யாருமே ஏலம் எடுக்கவில்லை. அவர் கேப்டனாக இருந்து வந்த கொல்கத்தா நைட் ரைடர்ஸ் அணியும் கூட கங்குலியைக் கைவிட்டு விட்டது.
இதனால் பெரும் பரபரப்பு ஏற்பட்டது. இந்த நிலையில் தற்போது மீண்டும் ஐபிஎல்லில் ஆடும் வாய்ப்பு கங்குலிக்குக் கிடைத்துள்ளது.

புனே வாரியர்ஸ் அணியில் கங்குலி இணைந்துள்ளார். அந்த அணியில் இடம் பெற்றிருந்த ஆசிஷ் நெஹ்ராவுக்குப் பதிலாக கங்குலி இணைந்துள்ளார். நெஹ்ரா காயம் காரணமாக விளையாட முடியாத நிலை ஏற்பட்டதால் அவர் நீக்கப்பட்டு கங்குலி சேர்க்கப்பட்டுள்ளார்.

இன்று முதல் புனே வாரியர்ஸ் அணியில் இடம் பெறுகிறார் கங்குலி. புனே வாரியர்ஸ் அணியின் கேப்டனாக இருப்பவர் யுவராஜ் சிங் என்பது குறிப்பிடத்தக்கது. இந்திய கிரிக்கெட் அணியின் கேப்டனாக கங்குலி செயல்பட்டபோது பலமுறை யுவராஜ் சிங்கை ஓரம் கட்டி வைத்திருந்தார் என்ற சர்ச்சை எழுந்தது நினைவிருக்கலாம். இந்த நிலையில் யுவராஜ் சிங் தலைமையில் கங்குலி ஆடவுள்ளார்.

புனே வாரியர்ஸ் அணி முதல் முறையாக ஐபிஎல் தொடரில் கலந்து கொண்டுள்ளது. இத்தொடரில் தொடர்ந்து 6 தோல்விகளை அது தழுவியுள்ளது. இந்த நிலையில் கங்குலியின் வருகையால் அணிக்கு ஏதாவது பலன் ஏற்படலாம் என நம்பப்படுகிறது.

மே 19 ம் தேதி கொல்கத்தா அணியை புனே எதிர்கொள்கிறது. அப்போது கங்குலி பட்டாசாகப் பொறிந்து கொல்கத்தா அணியை வீழ்த்த உதவுவாரா என்ற எதிர்பார்ப்பு அதிகரித்துள்ளது

Friday, April 29, 2011

மல்லையா மகனுடன் லிப் டு லிப் – அதிர வைத்த ‘ராணா’ நாயகி தீபிகா!!


ரஜினியின் அடுத்த படமான ராணாவில் அவருக்கு ஜோடியாக நடிக்கும் தீபிகா படுகோன், தனது காதலன் சித்தார்த் மல்லையாவுக்கு பல ஆயிரம் பேர் பார்க்க உதட்டோடு உதடு வைத்து முத்தம் கொடுத்து, அதிர வைத்தார்.
தீபிகா படுகோனுக்கும் விஜய் மல்லையா மகன் சித்தார்த் மல்லையாவுக்கும் இடையே தீவிரமாக காதல் இருந்து வருவதாகக் கூறப்பட்டது. விஜய் மல்லையாவுக்கு சொந்தமான பெங்களூர் ராயல் சேலஞ்சர்ஸ் அணியின் விளம்பரத் தூதராக உள்ளார் தீபிகா.
எந்த நிகழ்ச்சியாக இருந்தாலும் தீபிகாவும் சித்தார்த்தும் கைகோர்த்தபடி ஜோடியாக சுற்றுவதைப் பார்க்கலாம். ஆனால் வழக்கம்போல இது வெறும் நட்பு மட்டுமே என்று கூறி வந்தார் தீபிகா.
இந்த நிலையில், பெங்களூர் அணியும் கொல்கத்தா அணியும் சமீபத்தில் மோதிய ஐபிஎல் போட்டியைக் காண விஜய் மல்லையாவும் வந்திருந்தார்.
அவரது மகன் சித்தார்த்தும் தீபிகாவும் இன்னொரு பகுதியில் ஒன்றாக அமர்ந்து பார்த்துக் கொண்டிருந்தனர். ஆட்டத்தில் பெங்களூர் அணி வென்றதும், இருவரும் கட்டிப் பிடித்துக் கொண்டு உதட்டோடு உதடு வைத்து முத்தமிட்டனர். சுற்றிலும் ஆயிரக்கணக்கானோர் இருப்பதையோ, அருகில் விஜய் மல்லையா இருப்பதையோ இருவரும் கண்டு கொண்டதாகவே தெரியவில்லை.
ரொம்ப ‘ரொமான்டிக்கான நட்பு’ போலிருக்கே!

Sunday, April 24, 2011

கிரிக்கெட் வீரர்களைப் புரிந்து கொள்ளாத வாரியங்கள்


PTI Photo
FILE
நியூஸீலாந்தில் ஷேன் பாண்ட், இங்கிலாந்தில் பிளிண்டாஃப், மேற்கிந்திய தீவுகளில் கிறிஸ் கெய்ல் ஆகியோரை தொடர்ந்து தற்போது இலங்கையின் லசித் மலிங்காவும் கிரிக்கெட் வாரியங்கள் கொடுக்கும் நெருக்கடி காரணமாக அதிரடி முடிவை எடுக்க நேரிட்டுள்ளது. வாரியம் கொடுத்த நெருக்கடியால் டெஸ்ட் கிரிக்கெட்டே வேண்டாம் என்று உதறி விட்டார் மலிங்கா.

விளையாட்டு என்பதே திறமை தொடர்பானது. திறமை எவ்வளவு ஆண்டுகளுக்கு இருக்கிறதோ அது வரைதான் விளையாட்டு வீரருக்கு மதிப்பு மரியாதை, பணம் எல்லாம். ஒரு வீரர் நன்றாக விளையாடிய காலத்தில் எவ்வளவு 'தேச பக்தராக' இருந்தாலும் திறமை போய்விட்டால் அவரது தேசப்பக்திக்காக எந்த வாரியமாவது அணியில் வைத்திருக்குமா?

இதனைப் பற்றி கிரிக்கெட் வாரியங்களில் உள்ள 'தலைகள்', என்ன நினைக்கிறது என்றால், பணத்தாசை பிடித்து நாட்டுக்காக விளையாடுவதைக் கூட பொருட்படுத்தாத வீரர்கள் என்ற எண்ணத்தை தாங்கள் வளர்த்துக் கொள்வதோடு, பொது மக்கள் மனத்திலும் வீரர்கள் பற்றிய இது போன்ற ஒரு அவதூறை ஏற்படுத்துகின்றனர்.

ஐ.பி.எல். கிரிக்கெட்டில் வீரர்கள் நன்றாகப் பணம் ஈட்டுகிறார்கள். ஆம்! ஆனால் அதற்காக கடின உழைப்பை வெளிப்படுத்துவதும் அவசியம். இதனை ஒரு பொழுது போக்கு கிரிக்கெட் என்றாலும் உழைப்பு அளவில் எல்லாம் ஒன்றுதான். சினிமா ஒரு பொழுதுபோக்குக் கலைதான் ஆனால் ஒரு சினிமாவை எடுக்க எவ்வளவு முட்டி மோதுகிறார்கள். எவ்வளவு செலவு, எவ்வளவு உழைப்பு...!

ஐ.பி.எல். கிரிக்கெட்டிற்காக பாண்ட், பிளிண்டாஃப், மலிங்கா ஆகியோர் டெஸ்ட் கிரிக்கெட்டை உதறுகின்றனர் என்று குற்றம்சாட்டினால் ஐ.பி.எல். கிரிக்கெட்டுக்கு முன்பு 'தேச'த்திற்காக விளையாடி காயமடைந்து, உடல் நிலை மோசமான வீரர்கள் பலருக்கு இந்த கிரிக்கெட் வாரியங்கள் என்ன கிழித்து விட்டது என்ற கேள்வியையும் நாம் எழுப்ப வேண்டும்.

ஒரு வேகப்பந்து வீச்சாளரின் காலம் எவ்வளவு? பொதுவாகவே அனைவரும் சச்சின், ஸ்டீவ் வாஹ் போன்று 15 ஆண்டு, 20 ஆண்டுகள் வரை விளையாட முடிவதில்லை. குறிப்பாக பந்து வீச்சாளர்களின் காலம் 6 முதல் 7 ஆண்டுகள்தான். அதுதான் அவர்கள் உச்சத்தில் இருக்கும் காலம்.

அதுவும் காயமடையாமல் இருப்பது அவசியம். காயமடைந்தால் நம் தேசப்பற்று வாரியத் தலைகளா வந்து காப்பாற்றப் போகிறது? சொந்தக் காசில்தான் சிகிச்சை பெறவேண்டியுள்ளது.

மேலும் 18 வயதில் ஒரு வீரர் விளையாட வருகிறார் என்றால் அவர் எம்.பி.ஏ. ட்ரிப்ளி, எம்.பி.பி.எஸ். படித்து விட்டா வருகிறார்? நேராக பள்ளி அல்லது தெரு கிரிக்கெட்டில்லிருந்து லீக், மாவட்டம், மாநிலம் பிறகு நாட்டு அணிக்குள் வருகின்றனர்.

Saturday, April 9, 2011

சிறப்பு தேர்தல் அறிக்கை 2011:




எங்கள் ஆட்சியில் இந்தியா பாகிஸ்தானை அரை இறுதியில் வீழ்த்தியது..!!! இதையொட்டி இன்று மாலை 6 :30 க்கு தீவுத்திடலில் கலைஞருக்கு பாராட்டு விழா..!!! அனைவரும் வாரீர்...!!!

இந்திய வெற்றி பெற்றதை அடுத்து மக்களை ஊக்குவிக்கும் வகையில் அனைத்து பள்ளி மற்றும் கல்லூரி மாணவ மாணவியருக்கு Cricket Bat & Ball இலவசமாக வழங்கபடும்..!!!!

நாங்கள் ஆட்சிக்கு வந்தால் மாதம் இருமுறை India விளையாடும் International Cricket  போட்டியை சென்னையில் நடத்துவோம்..!!!!  


நமது இளைஞர் அணி இந்திய அணியில் சிறப்பாக விளையாடிக்கொண்டிருக்கிறது..!!! இதற்கு ஒரே ஒரு காரணம் அது கலைஞர் தான்...!!!



கலைஞர் ஆட்சியில் இந்தியா பாகிஸ்தானை வீழ்த்தியதை முன்னிட்டு கலைஞர் அரங்கில் நாளை மாலை 6 :30 க்கு மாபெரும் பாராட்டு விழா..!!! கலைஞருக்கு "மட்டைப்பந்துச செம்மல்" என்று தமிழக திரை உலகம்  சார்பில் பட்டமளிக்க படும்..!!!..!!!



Minority திமுக அரசு Sachin டெண்டுல்கரை சதம் அடிக்க விடாமல் out ஆக்கியது..!!!! நாங்கள் ஆட்சிக்கு வந்தால் இந்திய அணியில் உள்ள அனைவரையும் சதம் அடிக்க வைப்போம்..!!!

நாங்கள் ஆட்சிக்கு வந்தால் அந்த கிரிக்கெட் போட்டிக்கு இலவசமாக டிக்கெட் வழங்குவோம்..!!!!



விஜயகாந்த: நேற்று நடந்த India vs Srilanka அரை இறுதி ஆட்டத்தில்...!!!
வேட்பாளர்: தலைவரே அது India vs Pakistan.....!!!விஜயகாந்த்: பளார்.... பளார்..... பளார்....!!!!!!! மூடு மூடு வாய மூடு... வீட்ட்ல யார்னா பெரியவங்க இருந்தா கூட்டிட்டு வா.. போ.. போ..!!!



திமுக காங்கிரஸ் கூட்டணியால் india நேற்று அபார வெற்றி பெற்றது..!!!!!




ஆள விடுங்கடா சாமி…!!!

Saturday, March 19, 2011

சச்சினைப் பற்றி மட்டும் பேசிக் கொண்டிருந்தால் எப்படி?-கபில் தேவ் எரிச்சல்

மும்பை: உலகக் கோப்பைக் கிரிக்கெட் போட்டியைப் பொறுத்தவரை சச்சின் டெண்டுல்கர் பற்றி மட்டுமே பேசிக் கொண்டிருக்கக் கூடாது. இந்தியா நன்றாக விளையாடி கோப்பையை வெல்ல வேண்டும் என்ற ஒட்டுமொத்த இந்தியர்களையும் மனதில் கொள்ள வேண்டும். அதை விட்டு விட்டு சச்சினைப் பற்றி மட்டுமே பேசிக் கொண்டிருந்தால் எப்படி என்று கோபமாகவே கேட்டுள்ளார் கபில் தேவ்.

இந்தியா இதுவரை ஒரே ஒரு உலகக் கோப்பையை (50 ஓவர் போட்டியில்) மட்டுமே வென்றுள்ளது. அதை வென்று கொடுத்த அணியின் கேப்டனாக இருந்தவர் கபில் தேவ். புயல் வேக வீரரான கபில் தேவுக்குப் பின்னர் இந்தியாவுக்கு கோப்பை என்பது கனவில் மட்டுமே வந்து செல்கிறது.

இந்த நிலையில் நடந்து கொண்டிருக்கும் உலகக் கோப்பைக் கிரிக்கெட் போட்டியில் இந்திய வீரர்கள் கருத்துக்களைச் சொல்லி வருகின்றனர். சொல்லி வைத்தாற் போல அத்தனை பேரும் சச்சினைப் பற்றி மட்டுமே பெரிதாக பிரஸ்தாபித்துக் கொண்டிருக்கின்றனர். இது சச்சினுக்கான போட்டி, இதை சச்சினுக்காக ஆடப் போகிறோம், சச்சினுக்கு நாங்கள் கொடுக்கப் போகும் பெரிய பரிசே இதுதான் என்ற ரேஞ்சில் பேசி வருகின்றனர்.


இதுகுறித்து கபில் தேவ் எரிச்சலை வெளியிட்டுள்ளார். உலகக் கோப்பையை வெல்வது சச்சினுக்காக மட்டும்தானா. இந்தியர்களுக்காக இல்லையா என்று அவர் சற்று காட்டமாகவே கேட்டுள்ளார்.

உலகக் கோப்பையை இதற்கு முன்பு வென்ற அணிகளின் கேப்டன்கள் கலந்து கொண்ட ஒரு நிகழ்ச்சி மும்பையில் நடந்தது. இதில் கபில் தேவும் கலந்து கொண்டார்.

அப்போது பலரும் சச்சினைப் பற்றியே கேள்விகள் கேட்டனர். கபில் தேவிடமும் கேட்டனர். சச்சினுக்கு இந்த உலகக் கோப்பைப் போட்டி எந்த அளவு முக்கியமாக இருக்கும் என்று கேட்டனர்.

இதைக் கேட்ட கபில் தேவ், ஏன் சச்சின் மட்டும். திரும்பத் திரும்ப சச்சினைப் பற்றி மட்டுமே நீங்கள் கேட்டுக் கொண்டிருப்பது இங்கு உள்ள அனைவரையும் அவமானப்படுத்துவது போல உள்ளது. உலகக் கோப்பையை வெல்வது என்பது, சச்சினுக்கு எவ்வளவு முக்கியமோ, அதே போல ஒட்டு மொத்த இந்தியர்களுக்கும் முக்கியமானது என்பதை யாரும் மறந்து விடக் கூடாது. கோடானு கோடி இந்தியர்களும் இந்த உலகக் கோப்பைப் போட்டியில் இடம் பெற்றுள்ளனர். அவர்களயெல்லாம் விட்டு விட்டு சச்சினைப் பற்றி மட்டுமே பேசுவது எப்படி சரியாக இருக்கும். சச்சின் மட்டும் சம்பந்தப்பட்டதல்ல இது.

சச்சின், சச்சின் என்று கூறி அவர் மீது நிறைய பாரத்தை ஏற்றி வைத்து எதிர்பார்ப்புகளை அதிகரித்துக் கொண்டுள்ளனர். கோடானு கோடி இந்தியர்களின் எதிர்பார்ப்பு அனைத்துமே ஒன்றே ஒன்றுதான் -அது இந்தியா கோப்பையை வெல்ல வேண்டும் என்பது மட்டுமே. அதையும் நாம் மனதில் கொள்ள வேண்டும் என்றார் கபில் தேவ்.

கபில் சொல்வதும் சரிதானே. சச்சின் ஒரு ஸ்டார் வீரர் என்பதில் சந்தேகம் இல்லை. அவருக்கு இதுதான் கடைசி உலகக் கோப்பைப் போட்டியாக இருக்கும் என்பதிலும் சந்தேகம் இல்லை. அவருக்காக கோப்பையை வென்று தர வேண்டும் என்று கூறுவதிலும் தவறில்லை.

அதேசமயம் சச்சின் ஏதோ கெஸ்ட் போலவும், அவரை உட்கார வைத்து விட்டு மற்றவர்கள் மட்டுமே உலகக் கோப்பை போட்டியில் விளையாடப் போவது போலவும் பேசி வருவதுதான் கபில் தேவ் போன்ற ஜாம்பவான்களை சற்று எரிச்சல்படுத்தியிருப்பதாக தெரிகிறது.

உண்மையில் சச்சின் டெண்டுல்கரும் இந்த உலகக் கோப்பைப் போட்டியில் சிறப்பாக ஆட வேண்டிய நிர்ப்பந்தத்தில் உள்ளார். இவ்வளவு சிறந்த வீரராக இருந்தும் இதுவரை சச்சினால் உலகக் கோப்பை நமக்கு வாய்க்காமலேயே போய் விட்டது. இந்த முறையாவது சச்சின் மூலமாக உலகக் கோப்பை வந்தால் அது நிச்சயம் இந்தியாவுக்கு மட்டுமல்ல சச்சினுக்கும் மிகப் பெரிய பெருமை.

காரணம், கபில் தேவ் காலத்தில் அவரை விட, அப்போது இருந்த இந்திய அணியை விட மிகச் சிறந்த வீரர்கள் இருந்தனர், மிகச் சிறந்த அணிகள் இருந்தன. ஆனால் கடுமையான முயற்சி, திட்டமிட்ட செயல்பாடு, பேச்சளவில் இல்லாமல் செயல் அளவிலும் சீறிப் பாய்ந்தது போன்றவற்றால்தான் கபில் தேவ் தலைமையிலான அணியால் சாதிக்க முடிந்தது.

கபில் தேவ் காலத்திற்குப் பிறகு இந்திய பல அருமையான வீரர்களைக் கண்டுள்ளது -சச்சின் உள்பட. ஆனால் ஒரு முறை கூட நம்மால் கோப்பையை வெல்ல முடியவில்லை. காரணம், சிறந்த வீரர்கள் இருந்தாலும் கூட ஒற்றுமையின்மை மிக முக்கியப் பிரச்சினையாக போன காரணத்தால்.

எனவே, சச்சினைப் பற்றிப் பேசிக் கொண்டிருப்பதை விட்டு விட்டு அத்தனை பேரும் சேர்ந்து சிறப்பாக ஆடி, இந்த முறையாவது கோப்பையை வெல்ல முயல வேண்டும். இந்த ஆதங்கம்தான் கபில்தேவ் பேச்சில் தெரிவதாக தெரிகிறது.

Thursday, March 10, 2011

சச்சின் டெண்டுல்கர்- புதிய சாதனை படைத்தார்.

டெல்லி: நெதர்லாந்துக்கு எதிரான போட்டியில் சச்சின் டெண்டுல்கர், உலகக் கோப்பைப் போட்டிகளில் 2000 ரன்களைக் குவித்து புதிய சாதனை படைத்தார்.

தொடக்க ஆட்டக்காரர்கள் ஓரளவுக்கு கை கொடுக்க, நடுநிலை ஆட்டக்காரர்கள் தடுமாறு, பின்வரிசை வீரர்கள் சற்றே சமாளிக்க 189 ரன்களை வரை சமாளித்த நெதர்லாந்து 46.4 ஓவர்களில் ஆல் அவுட் ஆனது. ஜாகிர் கான் 3 விக்கெட்களை வீழ்த்த, மற்ற விக்கெட்களை சுழற்பந்து வீச்சாளர்கள் சரித்தனர்.

டெல்லி பெரோஸ் ஷா கோட்லா மைதானத்தில் நடந்த இந்த மோதலில், மிகவும் அபாரமான பந்து வீச்சை இந்தியா வெளிப்படுத்தியது. ஜாகிர்கான் ஆரம்பத்தில் அசத்த, பின்னால் வந்த சுழற்பந்து வீச்சாளர்கள் நெதர்லாந்தை எழுந்திருக்க முடியாதபடி செய்து விட்டனர்.

ஒரு கட்டத்தில் 7 விக்கெட் இழப்புக்கு 127 ரன்களுடன் இருந்தது நெதர்லாந்து. ஆனால் கேப்டன் பீட்டர் போரன் கடுமையாக போராடி 38 ரன்களை எடுத்தார். முடாசர் புகாரி 21 ரன்கள் எடுத்தார். பியூஷ் சாவ்லா, யுவராஜ் சிங்குக்கு தலா 2 விக்கெட்களை சாய்த்தனர். ஆசிஷ் நேஹ்ராவுக்கு ஒரு விக்கெட் கிடைத்தது.

பின்னர் ஆட வந்த இந்தியா அதிரடியாக ஆடி வருகிறது. இதில் முக்கிய அம்சமாக சச்சின் டெண்டுல்கர் உலகக் கோப்பைக் கிரிக்கெட் போட்டிகளில் 2000 ரன்களைப் பூர்த்தி செய்து புதிய சாதனை படைத்தார்.

Saturday, February 19, 2011

உலக கோப்பை கிரிக்கெட் போட்டி-2011 அட்டவணை


10வது உலக கோப்பை கிரிக்கெட் போட்டிகள் இந்தியா, இலங்கை, வங்கதேசத்தில் வரும் 19ம் தேதி தொடங்குகின்றன.

இந்த மூன்று நாடுகளிலும் நடக்கும் போட்டிகளில் 14 அணிகள் பங்கேற்கின்றன.

அதன் விவரம்: 
தேதிமோதும் அணிகள்பிரிவுஇடம்நேரம்
பிப் 19வங்கதேசம் Vs இந்தியாபிமிர்பூர் (வங்கதேசம்)பகல் 2 மணி
பிப் 20கென்யா Vs நியூசிலாந்துஏசென்னைகாலை 9.30 மணி
பிப் 20இலங்கை Vs கனடாஏஹம்பன்டோட்டா (இலங்கை)பகல் 2.30 மணி
பிப் 21ஆஸ்திரேலியா Vs ஜிம்பாப்வேஏஅகமதாபாத்பகல் 2.30 மணி
பிப் 22இங்கிலாந்து Vs நெதர்லாந்துபிநாக்பூர்பகல் 2.30 மணி
பிப் 23கென்யா Vs பாகிஸ்தான்ஏஹம்பன்டோட்டாபகல் 2.30 மணி
பிப் 24தென் ஆப்பிரிக்கா Vs வெஸ்ட் இண்டீஸ்பிடெல்லிபகல் 2.30 மணி
பிப் 25ஆஸ்திரேலியா Vs நியூசிலாந்துஏநாக்பூர்காலை 9.30 மணி
பிப் 25வங்கதேசம் Vs அயர்லாந்துபிமிர்பூர்பகல் 2 மணி
பிப் 26இலங்கை Vs பாகிஸ்தான்ஏகொழும்புபகல் 2.30 மணி
பிப் 27இந்தியா Vs இங்கிலாந்துபிபெங்களூர்பிறபகல் 2.30 மணி
பிப் 28கனடா Vs ஜிம்பாப்வேஏநாக்பூர்காலை 9.30 மணி
பிப் 28நெதர்லாந்து Vs வெஸ்ட் இண்டீஸ்பிடெல்லிபகல் 2.30 மணி
மார்ச் 1இலங்கை Vs கென்யாஏகொழும்புபகல் 2.30 மணி
மார்ச் 2இங்கிலாந்து Vs அயர்லாந்துபிபெங்களூர்பகல் 2.30 மணி
மார்ச் 3நெதர்லாந்து Vs தென் ஆப்பிரிக்காபிமொகாலிபகல் 2.30 மணி
மார்ச் 3கனடா Vs பாகிஸ்தான்ஏகொழும்புபகல் 2.30 மணி
மார்ச் 4நியூசிலாந்து Vs ஜிம்பாப்வேஏஅகமதாபாத்காலை 9.30 மணி
மார்ச் 4வங்கதேசம் Vs வெஸ்ட் இண்டீஸ்பிமிர்பூர்பகல் 2 மணி
மார்ச் 5இலங்கை Vs ஆஸ்திரேலியாஏகொழும்புபகல் 2.30 மணி
மார்ச் 6இங்கிலாந்து Vs தென் ஆப்பிரிக்காபிசென்னைகாலை 9.30 மணி
மார்ச் 6இந்தியா Vs அயர்லாந்துபிபெங்களூர்பகல் 2.30 மணி
மார்ச் 7கனடா Vs கென்யாஏடெல்லிபகல் 2.30 மணி
மார்ச் 8நியூசிலாந்து Vs பாகிஸ்தான்ஏபல்லிகிலே (இலங்கை)பகல் 2.30 மணி
மார்ச் 9இந்தியா Vs நெதர்லாந்துபிடெல்லிபகல் 2.30 மணி
மார்ச் 10இலங்கை Vs ஜிம்பாப்வேஏபல்லிகிலேபகல் 2.30 மணி
மார்ச் 11அயர்லாந்து Vs வெஸ்ட் இண்டீஸ்பிமொகாலிகாலை 9.30 மணி
மார்ச் 11வங்கதேசம் Vs இங்கிலாந்துபிசிட்டகாங்பகல் 2.30 மணி
மார்ச் 12இந்தியா Vs தென் ஆப்பிரிக்காபிநாக்பூர்பகல் 2.30 மணி
மார்ச் 13கனடா Vs நியூசிலாந்துஏமும்பைகாலை 9.30 மணி
மார்ச் 13ஆஸ்திரேலியா Vs கென்யாஏபெங்களூர்பகல் 2.30 மணி
மார்ச் 14வங்கதேசம் Vs நெதர்லாந்துபிசிட்டகாங்காலை 9 மணி
மார்ச் 14பாகிஸ்தான் Vs ஜிம்பாப்வேஏபல்லிகிலேபகல் 2.30 மணி
மார்ச் 15அயர்லாந்து Vs தென் ஆப்பிரிக்காபிகொல்கத்தாபகல் 2.30 மணி
மார்ச் 16ஆஸ்திரேலியா Vs கனடாஏபெங்களூர்பகல் 2.30 மணி
மார்ச் 17இங்கிலாந்து Vs வெஸ்ட் இண்டீஸ்பிசென்னைபகல் 2.30 மணி
மார்ச் 18அயர்லாந்து Vs நெதர்லாந்துபிகொல்கத்தாகாலை 9.30 மணி
மார்ச் 18நியூசிலாந்து Vs இலங்கைஏமும்பைபகல் 2.30 மணி
மார்ச் 19வங்கதேசம் Vs தென் ஆப்பிரிக்காபிமிர்பூர்காலை 9 மணி
மார்ச் 19ஆஸ்திரேலியா Vs பாகிஸ்தான்ஏகொழும்புபகல் 2.30 மணி
மார்ச் 20கென்யா Vs ஜிம்பாப்வேஏகொல்கத்தாகாலை 9.30 மணி
மார்ச் 20இந்தியா Vs வெஸ்ட் இண்டீஸ்பிசென்னைபகல் 2.30 மணி

கால் இறுதிப் போட்டிகள்:

1. மார்ச் 23: முதல் கால் இறுதிப் போட்டி (ஏ1 Vs பி4)- மிர்பூர்- பகல் 2 மணி

2. மார்ச் 24: 2வது கால் இறுதி போட்டி (ஏ2 Vs பி3)- அகமதாபாத்- பகல் 2.30 மணி

3. மார்ச் 25: 3வது கால் இறுதி போட்டி (ஏ3 Vs பி2)- மிர்பூர்- பகல் 2 மணி

4. மார்ச் 26 கால் இறுதி (ஏ4 பி1) கொழும்பு பகல் 2.30 மணி

அரையிறுதிப் போட்டிகள்:

1. மார்ச் 29: கொழும்பு- பகல் 2.30 மணி

2. மார்ச் 30: மொகாலி- பகல் 2.30 மணி

இறுதிப்போட்டி:

ஏப்ரல் 2-மும்பை- பகல் 2.30 மணி