தமிழக அரசின் இலவசமாய் லேப்டாப்!!

கடந்த தி.மு.க. அரசில் நடைமுறைப்படுத்தப்பட்ட இலவச டீ.வி. திட்டத்தை நிறுத்தியுள்ளது புதிய அ.தி.மு.க. அரசு. இலவசங்களை மக்களுக்கு வாரிக்கொடுத்து அவர்களைச் சோம்பேறிகளாக்குகிறது தி.மு.க. அரசு என்று, அ.தி.மு.க. தலைவி ஜெயலலிதா, எதிர்க்கட்சித் தலைவியாக இருந்தபோது குற்றம்சாட்டியிருந்தார்

.

இம்முறை சட்டசபைத் தேர்தல் பிரசாரத்தில், அ.தி.மு.க. தரப்பில் கொடுக்கப்பட்ட தேர்தல் வாக்குறுதிகளில் ஒன்று, மாணவர்களுக்கு இலவச லேப்டாப்!

தமிழக அளவில், 10ம் வகுப்பில் 10 லட்சம் மாணவர்களுக்கும், பிளஸ் 2 மாணவர்கள் 7.5 லட்சம் பேருக்கும் தமிழக அரசு லேப்டாப் வழங்கவுள்ளது. அது தவிர, கல்லூரி மாணவர்களுக்கும் இலவச லேப்-டாப் வழங்கப்படவுள்ளது. இதற்காக, 912,000 இலவச லேப்-டாப் வழங்குவதற்காக, சர்வதேச அளவிலான டெண்டரை தமிழக அரசு வெளியிட்டுள்ளது .

லேப்-டாப் தயாரிக்க விரும்பும் நிறுவனங்கள், அந்நிறுவனத்தின் லேப்-டாப் மாதிரியை, “எல்காட்’ நிறுவனத்திடம் சமர்ப்பிக்குமாறு தமிழக அரசால் கூறப்பட்டுள்ளது. நிறுவனங்கள் விண்ணப்பிப்பதற்கான கடைசி தேதி ஜூலை 11. அதற்கான வைப்புத் தொகை 20 லட்சம்.

டென்டர் அறிவித்தலின்படி, தமிழக அரசு கொடுக்கவுள்ள இலவச லேப்டாப்பில்,

• விண்டோஸ் ஆபரேட்டிங் சிஸ்டம் அல்லது லினக்ஸ் ஆபரேட்டிங் சிஸ்டம் இருக்கும்.

• வெப் கேமரா, வயர்லெஸ் மோடம், டிவிடி ரைட்டர், ஆகியவை இணைக்கப்பட்டிருக்கும்.

• புரோகிராம்களில், மைக்ரோசாப்ட் வேர்ட், எக்சல் ஆகியவற்றுடன், கல்வி தொடர்பான வேறு சாப்ட்வேர்களும் இன்ஸ்டால் பண்ணப்பட்டிருக்கும்.

• இயங்குதிறனைப் பொறுத்தவரை, 2GB RAM, 320 GB ஹார்ட் டிஸ்க் இருக்கும்.

லேப்டாப் இலவசமாக வழங்கப்பட்டாலும், தமிழக மக்கள் சோம்பேறிகளாகப் போய்விடாமல் சுறுசுறுப்பாகச் செயற்படுவார்கள் என எதிர்பார்க்கிறது தமிழக அரசு.