‘சிறுத்தை’ படத்திற்கு பிறகு கார்த்தி மும்முரமாக நடித்து வரும் படம் ‘சகுனி’. 
அறிமுக இயக்குனர் சங்கர் தயாளின் இயக்கத்தில் உருவாகி வரும் இப்படத்தில் பூர்ணிதா கதாநாயகியாக நடித்து வருகிறார்.

இப்படம் குறித்து நடிகர் கார்த்தி கூறியதாவது; “பருத்திவீரன், பையா, ஆயிரத்தில் ஒருவன், சிறுத்தை என எல்லா படங்களுமே வெவ்வேறு களங்களில் உருவானது. இந்த படங்களிலிருந்து மாறுபட்ட அரசியல் கதையாக அமைந்திருக்கிறது ‘சகுனி’. எல்லோரிடமும் திட்டு வாங்குகின்ற ஒரு கதாபாத்திரம்.

ராதிகா, நாசர் போன்ற சீனியர் ஆர்ட்டிஸ்டுகளுடன் நடித்திருக்கிறேன். சிறுத்தையில் சந்தானத்துடன் இணைந்து காமெடி காட்சிகளில் நடித்தது வரவேற்பு பெற்றது. அதுபோல் இப்படத்திலும் வரவேற்பு கிடைக்கும்.”